هنا

[رمـْـْْـْــــــــآڊ]

السلام عليكم



لا نعلم ما الدوافع الامريكية لنقل السجناء هل هي خطوة للضغط والسيطرة وجعلهم بمثابة القنبلة التي قد تنفجر في اي لحظة ام انها خطوة للتخفيف عن اموال وحكومة سوريا ام جعل العراق ارض سكنية للارهابيين ام انها خطوة للضغط على ايران ؟

الاطار التنسيقي وافق على استقبال الارهابيين العراقيين وجنسيات اخرى في قاعدة عين الاسد بعد مغادرة القوات الامريكية يبرز هنا عدة تساؤلات منها ان الدولة قد مضت في تعظيم موارد الموازنة ماذا سيحدث للانفاق على السجناء الجدد والضغط على الموازنة؟ ولماذا فقط العراق يسجن الاف الارهابيين ولا يسمح له باعدامهم؟ ماذا سيحدث لوجودهم في العراق؟ من المستفيد في القيادات الشيعية؟ هل هذه ضريبة استلام نوري المالكي للحكم ام محاولة لاعادة البعث من جديد من خلال وضع عملة صدامية في مكتب ترامب قبل يوم؟ ام لها ابعاد اخرى ؟


في موضوع سابق
https://www.dorar-aliraq.net/showthread.php?t=1306106

[المستشار القانوني]

وعليكم السلام ورحمة الله وبركاته..
خوية ذولة بلاء ابتلى بيه العراق ..وفعلا قنابل موقوتة 7000 أرهابي سجين بأحكام ثقيلة أيديهم ملطخة بدماء العراقيين الأبرياء ومعظمهم عراقيين وداعش ومن جنسيات مختلفة...وجهة نظر الدولة ...اتگللك ذولة تأخذهم تحت أنظارنا معظمهم ارتكب بيديه مجازر بالموصل ومناطق أخرى بالعراق فممكن يفيدونه في التعرف على جثامين المقابر الجماعية المتفرقة اللي اهلهم لحد الان لايعرفون مصيرهم ولايندلون جثامينهم
الأمر الثاني وجهة النظر الحكومية ايگللك اول وتالي يجون العراق لو بقوا مطلق سراحهم بالوديان والصحاري ويظلون يعيدون القتال ضد الجيش ويهددون أمن البلد فليش مانحتويهم ونخليهم تحت أنظارنا ونأمن من شرهم ..يبقون بالسجن بالعراق وهم أياديهم ملطخة بدماء العراقيين بدل ما يطلقون ليرتكبوا المزيد من الجرائم ..وحتى الولايات الأميركية اذا مااستقبلناهم كسجناء ممكن تجندهم وتسلحهم وتعيد صفحة دخول داعش 2014 تماما كما بدأت اول مرة..
ولو اني مامقتنع بتبرير حكومتنا لكن اقول ...إن بعض الشر أهون...خليهم مكلبچين بالسجون أحسن مايجوننه مسلحين ..وبالحالتين امريكا فارضتهم علينا..فحال عن حال افضل..تحياتي لك ..

[رمـْـْْـْــــــــآڊ]

طيب هنا نسئل اذا الحكومة اقتطعت الرواتب في سبيل تغطية العجز شنو النفقات الي اتخصصت للسجناء؟
هنا باي حق تقتطع من راتبي وتوكل ارهابي
مخليه تعلف عليه
زين الي يكول خطوة ايجابية تكدر تحقق وياهم وتعدم منهم لوشحدك تعرف اسمائهم اصلا

[رمـْـْْـْــــــــآڊ]

ما اعرف ليش المرجعية سكتت عن هيج خطوة ممكن تستنزف مواردنا وتشكل خطر
لو كان صحيح كانت الدول تاخذ ارهابيها ليش فقط العراق استلم عندك دول اسيا بالمئات ولا دولة استقبلتهم
وعندك اصلهم شيشان بالمخيمات ليش ما ترحلهم باي حق اعلف القاتل المستقبلي
مثل سالفة تربي الجلب ويعضك

[المستشار القانوني]

طيب هنا نسئل اذا الحكومة اقتطعت الرواتب في سبيل تغطية العجز شنو النفقات الي اتخصصت للسجناء؟
هنا باي حق تقتطع من راتبي وتوكل ارهابي
مخليه تعلف عليه
زين الي يكول خطوة ايجابية تكدر تحقق وياهم وتعدم منهم لوشحدك تعرف اسمائهم اصلا

اعدام كبارهم والمساس به خط امريكي أحمر
اعدام صغارهم أيضا امريكا تؤلب الإعلام كله ضدنا ..خلوهم نعلف عليهم واحنه الممنونين..ضريبة قبول ترشيح ابو اسراء الحكم من جديد ...اغلب التحليلات تقول هذا شي...رغم تبريرات الحكومة اللي أوردتها في مداخلتي الأولى هنا بهذا الموضوع.

[رمـْـْْـْــــــــآڊ]

قريت تعاليق بالفيسبوك تكول خلي عدوك كدام عينك ولا يشتغل ضدك؟
انت متخيل انو هذا ارهابي من الصنف الاول يعني اخطر ارهابيين العالم حسب التصريحات
وممكن باي ازمة تقصف اسرائيل السجن ويطلق سراحهم
وشي ثاني حدودنا صارمة مع سوريا الطير ما يعبر ليش خايف منهم مو انفقت مليارات حتى تامن حدودك بعد من شنوخايف

[رمـْـْْـْــــــــآڊ]

اعدام كبارهم والمساس به خط امريكي أحمر
اعدام صغارهم أيضا امريكا تؤلب الإعلام كله ضدنا ..خلوهم نعلف عليهم واحنه الممنونين..ضريبة قبول ترشيح ابو اسراء الحكم من جديد ...اغلب التحليلات تقول هذا شي...رغم تبريرات الحكومة اللي أوردتها في مداخلتي الأولى هنا بهذا الموضوع.

اني عندي شعار صار عندي ايمان كامل بيه وهو اي خطوة امريكية اتوقع وراها شر عظيم

[رمـْـْْـْــــــــآڊ]

كل سجين يكلف الدولة9 دولارات يوميا بدون فساد.
لكن هذا يكشف وحسب تعليقك ان الحكومة العراقية ليس كل جوانب ادارة الدولة بيدها ،هناك يد اميركية تحرك المشهد من خلف الكواليس. اذا مازال العراق منقوص السيادة.عندما نقول ان تلكأ المشاريع الخدمية وخصوصا الكهرباء هي ارادة اميركية لن تصدقوا ،عندما نقول ان ثورة تشرين كانت اداة اميركية لفرض اجندات وسياسات تخدم الاميركي عندما حاول عادل عبد المهدي ان يشذ عن طوع عصى الاميرىكية ،لم تصدقوا . عندما نقول ان المنظمات المدنية والنسوية التي تعمل بالعراق ، تحمل اجندات غربية لهدم قيم المجتمع العراقي وتقاليده بحجة الحرية، لم تصدقوا.

الآن رماد يعترف بكل هذا عندما يقول شحدك.

هههههه والله محرمصينك تشرين
انه خايف تصير عندك عقدة مثل صقر ونعناع
هو كلامك صح هواي امور مفروضة على العراق بارادة امريكية شديدة خو الخزانه الامريكية بيدها كلشي يعني كلشي بمثابة مستعمرة بدون قوات هاي الصراحة
كل هذا التدخل الايراني وعمقها بالعراق بس ما مسيطرة
احنة مسلوبين الارادة تركيا منا هم اخذت الي تريدة ومحتلة جبالنا وتريدلك شريف يحجي ماكو
والكويت اخذت الخور وهم السبع يفك ريجة
بس اهل البيت بقوا محد احتلهم صدك جذب


ملاحظة// الحرمصة مرادف تحميص

[ابن الوطن]

هناك فرض يقابله تدبير، والمعضلة بين هذا وذاك أن المواطن العراقي لا يمتلك الثقة العالية بأهل الشأن، بل أصبح يمتلك موسوعة من التحليلات التي لا تثمر أحيانًا، ويخوض صراع صراع الانقسام بين التماسك والتشتيت.
يا صديقي، داعش قنبلة موقوتة لا نعلم متى نسمع دويها... ولكن الطابور الخامس أكثر اتساعًا وتصعيدًا في هذا التوقيت تحديدًا، كونه يمتلك دعامة أساسية وهي عدم ثقة المواطن بحكومته.دمت بخير

[رمـْـْْـْــــــــآڊ]

هناك فرض يقابله تدبير، والمعضلة بين هذا وذاك أن المواطن العراقي لا يمتلك الثقة العالية بأهل الشأن، بل أصبح يمتلك موسوعة من التحليلات التي لا تثمر أحيانًا، ويخوض صراع صراع الانقسام بين التماسك والتشتيت.
يا صديقي، داعش قنبلة موقوتة لا نعلم متى نسمع دويها... ولكن الطابور الخامس أكثر اتساعًا وتصعيدًا في هذا التوقيت تحديدًا، كونه يمتلك دعامة أساسية وهي عدم ثقة المواطن بحكومته.دمت بخير

عدم الثقة ازمة عالمية في كل الحكومات والازمنة
بالضبط استاذ نورت الموضوع

عدنة اليتحرمس، اي يَقدم على شيء ويتراجع عنه ، ويستمر على هذا الحال الى ان تتلاشى الفرصة .

بالعكس اني اذا شي يغثني ما اعرف اتكلم عنه ،اي موضوع تجدني اكتب عنه يعني ما اتحرمص منه على كلامك.

انت وين اكو منك