السيد گال واجب هاي الزياره
بكل خامس عشر شعبان نحيهه
حصراً كربله للمهدي وانصاره
ننطي ارگابنه وهيهات ننطيهه

صادر مهم روج الزلم طب كربله
من الگمر غيره روه
زلم الصدر ما تنگدر بيكم هلا
وحسين يجمعنه سوه

السيد اخو وقائد كفو اله واهله
تغريدته ترهم دوه
ثوره شعبانيه الا مليونيه حيهم الصدريه
مقتدى نادانه

عيدو نهج محمد نهجه خلو يمتد
عالزيارات شگد بالخطب وصانه
ما ننساه الصوت الغرد بالكوفه
البچه اعداه واليومك بيهم خوفه
عد يمناه السيد كل احنه سيوفه

عاجل صدر مولد گمر ضوه السمه
وجهه مثل درة ضواه
مولد ولي بهيبة علي وي فاطمه
خاتم ائمة الهدى

يمه الرتب تمشي بأدب
وبصارمه ياخذ بثارچ كربلاء
غرد الشيعي القح والقيادي المصلح
وبلسانه يصرح سيد الحنانه

واحنه كلنه انطيعه قادمون الشيعه
بكربلاء البيعه ويسكت العادانه
بايعناه المهدي وكل احنه اجنوده
رديناه الرايد يعبر لحدوده
وراويناه بعيونه الساعه السوده

الكبير | سيد محمد الموسوي