صبحكم الله بالخير
درر&درات
غرور عالفارغ
واقع الحال مع الاسف والف رحمة على والدين الي كتب هالحقيقة
منقول راق لي
مفلسين، مديونين، عايشين عالحافة،
عايشين على رفاة الدولة مو على دولة،
لا حقوق، لا كرامة، لا ضمان،
مذلولين من حكومة، ومحرومين من أبسط حقوق البشر.
واحدهم إذا حطّوه مسؤول نفايات
يشوف نفسه رئيس وزراء،
وإذا عطوه منصب بسيط
ينتفخ غرور وكأنه ملك دولة.
غرور مصطنع، كاذب، فارغ من الداخل،
قشرة قوية… وجوهرة مكسورة.
والمضحك المبكي؟
تطلع أخبار وتقارير تحچي إن الشعب العراقي مغرور
وإن العراق ثاني دولة في العالم بالغرور!
غرور شنو؟
غرور بلا كهرباء؟
غرور بلا مي؟
غرور بلا صحة؟
غرور بلا كرامة؟
غرور بلا دولة حقيقية؟
وقبل لا أحد يعلق ويدافع،
أسألك سؤال بسيط جدًا:
عندك كهرباء 24 ساعة؟
عندك مي نظيف دائم؟
عندك ضمان صحي؟
عندك كرامة مواطن حقيقية؟
إذا الجواب لا…
فلا تسولف عن العزة والهيبة،
الهيبة مو بالشعارات،
الهيبة بالحقوق،
والكرامة بالخدمات،
والوطن يُقاس بحياة شعبه…
مو بكراسي حكامه ولا بادعاءاته الفارغة


ولله الامر من قبل ومن بعد
#غضيب92