هنا

[الغربيل]

اصبحنا واصبح الملك لله
صبحكم الله بالخير
درر&درات
========================
البارحة زاروني اصدقاء منتفعين من السلطة
وسولفتلهم هاي السالفة من التراث اشو
لبسوا مراكيبهم وفلتوا حتى الشاي ماشربوه

واحد يسولف يگول بالسبعينات اخويـه راد يتزوج راح يأجّر كاوليه لأن قبل ماكو عرس بدون كاوليه فلما طب لبيت الكاوليه لگه رجّال صاحب شوارب يوكّر عليهن الصگر معگّل ويدخّن وبيده أستكان چاي ويمّه صوبه علاء الدين وداير مادايره الحبايب يگول من شافني گام من مكانه تلكاني هله او مرحبا يگول تعجبت من الأخلاق الشايلهه وذيچ السوالف الحلوه بعد الترحيب گال هسه گول شعدك اليوم هنا أني بالخدمة گتله والله أني جاي أتفق على حفلة عرس گال خير يا الله يگول أتفقنا على السعر وعلى يوم العرس يجي هو وياه أربعة من الحبايب يگول سألته شلون مدبرين حالكم يعني فترة شهر محرم لحد فرحة الزهره وياها رمضان ماكو أعراس گال هذا خوش سؤال يگول أحنا حاسبين هيج حساب فأني متفق وي الحبايب عدنا صندوگ نذب بيها نسبة من فلوس الحفلات انسميه التفريعه للحبايب هذا حقهنّ تعرف أني حقّاني وأخاف الله والدنيا امصبح ما امسي ما اخلي ابركبتي حرام ومن يجي محرم لحد فرحة الزهره أحنه ناكل من الصندوگ وعايشين ذيچ العيشة (ابربكم الكاولي حاسب أموره وعنده مخافة الله ومسوي صندوك للعوز وحكوماتنا من 2003 لحد هسه ليش ما سوّت النه صندوگ مثل صندوك الكاولية)
ولا مذلة الديون الداخلية والخارجية نسخه منه إلى صندوق التقاعد والحكومه بلكي يتعلمون من صندوق الكاوليه
وسلامتكم درر&درات
#غضيب92