(كله لخاطرك)
كله لخاطرك شلت العطش بالجود
وترست امتاعي جوع وسافرت خالي
وصدكتك كلتلي السيف بيش ايفيد
ومشيت بطرك روحي اكبال كتالي
ابدربك ينسمع بس صوت ونت الريح
وكلت يمكن سمع ونتي وغنالي
اليمشي بغابه يجفل لون وركه اطيح
ويخنكه الخوف لوهب الهوى العاليسوده
اضلم دربك وجف ايدي ماينشاف
وكلت ملكاه شمع وبروحه ضوالي
خليت المشاعر كصبه بيد الماي
ياروجه التمرني اتبهذل احوالي
ومئمن شجرتي اليابسه لحطاب
غير الطبر شتضن شيتراوالي
اجيت وزامطت بيك اهلي والعدوان
فشله امن ارد منك فارغه اسلالي
عيب اعلى الشجر من يكبل العصفور
ويدور عشه بس يلكه الغصن خالي
ولارفلك جفن وانا اعلى مودك ماي
انطشيت اعلى رمله شيجمع اوصالي
وانه بطبعي جرف لوشفت نورس مات
ألبس روجه سوده وحزني يبرالي
صحت بسمك وصوتي ايصدع الحيطان
ولو صحت اسم ميت جا تعنالي
بردت لهفتك واستبرد الديوان
وعلى ادروب الجمر مامرت ادلالي
الكاع الينكسر واهس فلحهه اتموت
ويضل بس الملح بعيونهه ايلالي
الشمس مابيهه لذه بديرة العميان
ومن سولفت بيهه اتذكرت حالي
انه الضويتلك حد ما كرهني الليل
وتكول اضلم ضواه كدام عذالي
ذهب عشكي وكلتلك بس عليك ايلوك
وانته اتراب عشكك بس كلت غالي
رد مع اقتباس
المشاركة الأصلية كتبت بواسطة ابن الوطن
