هنا

[ڪُحلــَـْہ‌‍]

كلمات : موسى البطلي

انه الكضيت عمري بمجلسك كاعد
جي ليلة الوحشه وياي متواعد
يبو كلب الحنين الما طرد واحد
اول ليله كون وياي اشوفنك
ظلمه المگبره ومامش عرف بيها
بس دمعة مجالسكم تضويها
تنسى خويدمك ماضن تسويها
صح مذنب ولكن حيل احبنك

يحسين الكبر ضيگ واريدنك
مو تنساني بدمعاتي احلفنك

هنياله اليشوفك ليلته الاولى
تخاف المثلي باجر ماتروحوله
تنكر خادمك يحسين معقوله
ماتنطي بصديجك وانه اعرفنك

يحسين الكبر ضيگ واريدنك
مو تنساني بدمعاتي احلفنك

عنك ابتعد وانت التجر ايدي
حنين ومن اجيك تكلي يوليدي
ماحسب ليالي الفرحتي وعيدي
بس احسب ليالي لشهرك وحزنك

يحسين الكبر ضيگ واريدنك
مو تنساني بدمعاتي احلفنك

ياواهس دمعتي وفرحتي وحزني
اجيلك منهضم وارجع ولا چني
وين الكالي واحد مثلك يحبني
المدللني وانه اذنب وازعلنه

يحسين الكبر ضيگ واريدنك
مو تنساني بدمعاتي احلفنك

خدمتك مو لجل شهره ولا سمعه
لكيتلك تسوه عيني شما بچت دمعه
اليمي يسولف بغيرك ولا سمعه
غمها السالفه المابيها اسمعنك
انت اول جرح من تنلجم تنحب
ساتر دنيا وانت على الثرى مسلب
احلفك بالغريبه ام الحزن زينب
تحصرني الگبر ضيگ واريدنك

[لـ مَطْبُورِ الرَّاسِ☪.]

شكرا

[ڪُحلــَـْہ‌‍]

شكرا

حبيبي رقرق