هنا

[الغربيل]

صبحكم الله بالخير
==========

يسولفلي عمي
أكو مره عمرها بالاربعين، بقرية ام الصراصر اسمهه ( ورده ) توفه زوجها وبقت لوحدها وعدهه ٣ بنات أعمارهن ١٦- ١٨ -٢٢ سنه
اجاها رجال من القريه بعمرها تقريبا گاللهه: انتم ظليتوا لوحدكم بلا زلمه يوگف وياكم وهالتشوفيني آنه گدامج الحمد لله صحتي تمام بس اشوية فقير اذا توافقين تنطيني وحده من البنات وآنه بخدمتكم وأصير والي إلكم.. المريه راحت سولفت وي بناتهه ما رضن البنات يتزوجنه #غضيب92
بعدين عرض على الأم الزواج وافقت الامايه على الزواج
وگعد وياهن بالبيت لاشغل ولا عمل بس اكل ونوم وهيه المره عدهه صخول كل فتره وگاللهه خل نبيع 2 او 3 من الصخول نتصرف بيهن
وره فتره هم گاللهه نبيع من الصخول وهي تگله بكيفك
لما خلّص الصخول كلهن .. أخذله فتره گاللهه اگلج شوفي البنات مايتزوجن خل نزوجهن ليش گاعدات قصده يأكل مهرهن .. !!
مرته هم سولفت وي بناتهه گلتلهن الزلمه يگول يتزوجن احسن ؟البنت الچبيره نادره وفطنه گعدت بالباب وظلّت تنعه وتبچي ... وهاي گولتهه :

(طلع سربوت يا ورده والينه
گظه صخيلاتنه ويفتر علينه)
رباط سالفتي....
هسه ولا الجماعه ما بقوا شيء وصفروا الميزانية وراح يرجعون على رواتب المگاريد الموظفين والمتقاعدين لأنهم الحلقه الاضعف خو مو يرحون على الرواتب الخياليه والمخصصات والمنافع الاجتماعيه للرئاسات الثلاث او النواب والمستشارين لو الرواتب المزدوجه لو__لو__لو __
وسلامتكم
شعوب المنتدى الدرري

[المستشار القانوني]

أحسنت النشر ...همه گدرتهم عالموظف والمسكين المتقاعد لأن ماله لاحول ولاقوة

[الغربيل]

أحسنت النشر ...همه گدرتهم عالموظف والمسكين المتقاعد لأن ماله لاحول ولاقوة

حياكم الله باشا