چانونك بوسط الگلب
يلهب لهيب بمهجتي
واتحملت جمراته
ولسانك بطول الصبر
صبري الصبرته عله الجمر
ظيم وقهر زلاته
ومن عاتبت شفتك سجل
تاجر خلص عمره قرض
بس يحسب بعاناته
داريتك مداره اليحب
من يعشگ بگلبه صدگ
ويطوّل بسهراته
وراويتك شكال الورد
مزروعة چانت بالوفه
ورد الوفه شمحلاته
وحاميتك بكل قوّتي
عن لا يزل بيك الزمن
واتحملت سطراته
وديتلك ناس شكثر
بلكت تعاين عالوكت
ما تلتهي بمالاته
وبلكت يرد ليك العقل
وتعوف ضحكات الزمن
واتفكر بطعناته
دنياك يبن آدم مطر
والما نثر گاعه بوفه
تطلع عرد شتلاته
وانت عله لونك ماتبت
ماغيّرت طبعك ابد
ذيب ويغازل شاته
توفيق الصكبان..
رد مع اقتباس
المشاركة الأصلية كتبت بواسطة مجيدخلف غضيب
