هنا

[مِـيهرَمــآهہ ♬❥]

اكو شعور طيب يمر بالشخص من يطلع سفرة فطور لمكان معين، هم تطلعون خلال هذي الايام للافطار خارج البيت؟

احجيلنه شوي عن عاداتك الدينية ؟
اكو فد نظام تعتمدة ميس بالقراءة بالدعاء وخصوصا انتي عندج دراسات حوزوية شلون ساويتي بين الامرين؟

جدآ احب الفطور برا البيت نعم نطلع لزيارة اقاربنا وبيت عمي بس حاليآ ماصادف وقت حتى انروح نفطر خارج البيت ... اجواء رمضان حلوة وخاصة وقت العصر ونسمع القرأن اجواء روحانية تجنن

عاداتي الدينية مااكدر وقت النهار اقرأ الختمة او دعاء لأن اكون ملتزمة بالبيت وأولادي..عندي وقت السحر دعاء وشوية من القرأن الكريم شكراا لله على هالنعمة صراحة ابراهيم احنا مقصرين بالعبادات نسأل الله القبول والمغفرة

اما الدراسات الكترونية وحاليآ عدنا عطلة

[رمـْـْْـْــــــــآڊ]

ميس انتي بصفتج ادارية هل تتعارض مهام الادارة مع المنزل وتشوفيها تكليف لو مسؤولية؟

ضمن فقراتنا لهل الاستضافة نحب ناخذ رأيج ببعض القضايا
من ناحية الدين والعرف تشوفين البنات الي يلبسون ملابس ضيقة بهل شهر صحيح لو لا ؟

[مِـيهرَمــآهہ ♬❥]

ميس انتي بصفتج ادارية هل تتعارض مهام الادارة مع المنزل وتشوفيها تكليف لو مسؤولية؟

ضمن فقراتنا لهل الاستضافة نحب ناخذ رأيج ببعض القضايا
من ناحية الدين والعرف تشوفين البنات الي يلبسون ملابس ضيقة بهل شهر صحيح لو لا ؟

صراحة اشوفها مسؤولية حتى وان كنا بعالم افتراضي احب اسوي اللي عليه لان هذا واجب
اما بالنسبة للبنت واللبس الضيق شي اكيد غير صحيح سواء بهالشهر الفضيل او بدونه وكل وحدة اكو عقل براسها وتعرف هالشي صح ام غلط

[رمـْـْْـْــــــــآڊ]

الصديقة العزيزة ام محمد اخر كلمة تحبي توجهيها بهذا الشهر ،، حتى نختم استضافتنا

[مِـيهرَمــآهہ ♬❥]

في رمضان جاهد نفسك قدر المستطاع
كلمة اخيرة اتمنالكم صيام مقبول ويتقبل سائر الاعمال

شُڪرآ الك عالاستضافة اللطيفة والاسئلة الحلوة استمتعنا بالحديث معكم

[رمـْـْْـْــــــــآڊ]

الى هنا ينتهي لقاءنا مع النائبة الخلوقة ام محمد
كانت سفرة قصيرة تعرفنا فيها على عضو راقي من اعضاء درر العراق
نتمنى لك التوفيق
انتظروا ضيفي القادم
بعد يوم غد وبنفس الموعد المثبت بالموضوع الساعة 11 ..
شكرا للمتابعين