ابقاعة الوالي الجبيره,, الحشر صار وجمعونه
سَوؤ أكبر مهرجان .. وللشعر كووه دعونه!
الوالي قرر كلها تحضر,,ابلا عذر كلهم اجونه
العرب كلها اجتنه... والاجانب شرفونه,,,,,
الماقبل يحضر,,
ارهابي,,
هذا راح ايحاكمونه,
قَبطت كل الكراسي ,,, وبره نسمع طلعونه
والفضاءيات كلها
,,التمت ,,
ومن صورونه!
جنه نبجي ,,,,, وصرنه نركص
حتى بالصوره نبين /// همه كلش فرحونه!
والفقير
الصارت الكامرا ابوجهه
صاح صوت / ابلا مرونه
هو صابغ
وجه اصفر
الجوعه/ ما غيرت لونه!
الف شاعر عالمنصه/// المدري بيش$ ايصعدونه!
وبشعرهم
شبعونه!
ومابقت كذبه بالعالم
ما حجوها..... وسمعونه!
الشعر بس عالفقير .. وبالفعل ميساعدونه!
وعله كل مسوؤل تافه,,, بالاصلاح ايطالبونه,
لكن ,,ابيوم التقاهم ,,
حجو بأبيات اللواكه ,, وبقوا حيل ايجاملونه!
اصواتهم ويه اليتامه....
اكلوبهم للبي دهونه!
كلها بالاصلاح تحجي ,,وكثر ما عادوو حجيهم؟
صدكينه
وحيرونه!
يعني ذوله الدمرونه؟
وعذبونه؟
امنين اجونه؟
واحنه عالتبريد نغفه,, ولو غفينه ايكعدونه,
ابخزره وحده نفتهمهم ,, بيها حيل ايصفكونه!!
حتى اليجدون حضروا
بالشعر ما فاركونه,
وايد اليجدون بيها // صفكت للفرهدونه!
صعد شاعر / نزل شاعر!
يعني كلششششششششش دوخونه!!
وكام منهم شاعر اخرس
اتمكن ابروعة فنونه/
اختصر
كل القصائد.....
ابنظره ,
موزونه
وحنونه.
ماحجه .. لكن قرينه ,,,,,, ابياته من نظرة اعيونه..
صفكيناله ابحراره
ومن كثر ما صفكينه,,,,
وصفكينه // وصفكينه//
تالي بلكفخات // كلنه طردونه,
طردونه,,
حسين االساعدي*