اني واليل وصدى الغرفة
وماكو احد يمي يسمع اي غريب
صوتي نفسه يرد عليه من النحيب
ويمي نفاضة وجكارة بلا تتن
عمري ورقه وروحي جمره
لفلفت عمري اعله ناري وورثت
هذا دخان الجكارة البي ادخن من رحت
وهوسة الضلمة جبيرة بنص غرفتي
وجمر روحي يشع ضواه وباوعت
دمي يجري بلاشعور بلاحواس
كبالي يلمع دم شفت
ردت اخلص من حياتي وجربت
كاسرت سم ويا كاسي وما متت
وليلي نفسه الصبح يبدي
وكلشي بالدنيا ضلام
هيج اشوفه تعودت
ردت امثل دور الاقوى وحاولت
ياهو بينه يفوز صمته و كابرت
مثلت دور الاعوفك جربت
ليلة عدت واني امثل
تالي لا جفني الغمضته ولانمت
ومن كلتلك شفتي تضحك صدكت
شفتي ماضحكت بدونك جذبت
ورجفة المذبوح بعدك فرفحت
كلشي مو صح السمعته
مخبل يسولف الحالة
تره اعصاب وعصبت
وانته تعرفني من اعاند
ليش اكثر عاندت
جا خذتني اعله كد عقلي وعبرت
ولا اعيش الهسه عشته
اقسى ايامي البدونك
من انام وماكو انته
وانته وماتدري شحصلي
شلون عشت ايامي بعدك
كلي ارجف
ومستعد وياك امشي الاي امام
كبالك احلف
كون تقبل بالاكولة
وتكسر اي حاجز خذاك
النفس كلش ضاك بيه
ردلي خل اشتم هواك
الدنيا ضلمة بدون عينك
كلشي ضلمة بلاضواك
ردلي بعدك فرفحت
انته جاي احجيلي وينك
كون تلحك من وكت