وطن ضايع
لا زراعه ولا مصانع
باقي ينطي الذهب الاسود
حتى يستورد بضائع
مرني صدفه انسان حاير
شاب مو كلش جبير
واكف يدخن جكاير
وضعه مو كلش عجبني
كتله شنهو وياك صاير
ليش وضعك مزري كلش
خلي سهله الدنيا عندك
ليش تخسر روحك المن
ليش عايش بالخساير
كتله باع الدنيا وين ..
وانت وين ..!!
غير شوية بحياتك
احنه باوقات التطور !
.. ياتطور؟
انه لكمه ابيتي ماكو
شغل ماكو الهسه ادور
ياتطور!! ااااخ
شكد دعيت اعلى السياسية
وديني مايقبل يشور . . .
-هذا موصح التكولة
انت عندك بلد نفطي
المثلي مثلك هسه تاجر
المثلي مثلك هسه تاجر
اتفاجى بصيغة كلامي ! !
ورد سالني انت تاجر؟
كتله تاجر نعم تاجر.
بيش تاجر ؟
انه تاجر بالاحزاب
وياي ربعي نبيع ارضي اعلى الشوطى
نزغر الشط ونكبر بوكنه
احنه كلش نعبد الله
وماكو احد فوكنه
بالشوراع اسال انته
وراح تعرف سوكنه
ادخل وجرب حزبنه
يجوز تلكالك مناصب
يجوز منه تشوف خير
احنه عدنه اليدخل النه
راساً يصبح وزير
فكر وردلي الجواب
احنه عدنه الكل حلم
تلكاله باب
رد مع اقتباس
المشاركة الأصلية كتبت بواسطة الشاعر عباس السعيدي
