ما ضل شيخ عگب اليوم
طايح بيرغ الساده
هنا زينب قصدها تگول
من صار القتل عاده
وسفه اليوم أبو الحسنين
يتوسد على وساده
كل البچي لزينب وأبوها..(٢)
ـــــــــــــــــــــــــ ـــــــــــــــــــــــــ ــــــــــــ
هذا اليوم راح يموت
شيخ العرب والديره
اليوم الساده حزنانين
طايح سيد الغيره
طاحت خيمة أهل البيت
و زينب ضاله بحيره
كل البچي لزينب وأبوها..(٢)
ـــــــــــــــــــــــــ ـــــــــــــــــــــــــ ــــــــــــ
فجر اليوم عند حسين
أگشر صار مصباحه
و يا كسرة ظهر عباس
يمشي و كاض أصفاحه
و زينب هيَ زينب ضيم
موش و لامها الراحه
كل البچي لزينب وأبوها..(٢)
ـــــــــــــــــــــــــ ـــــــــــــــــــــــــ ــــــــــــ
مدري شلون صارت هاي
حيدر ينطبر هامه
مو بس هامتك نصفين
طبروا حتى العمامه
من ثمنطعش رمضان
كون الليل ما أنامه
كل البچي لزينب وأبوها..(٢)
ـــــــــــــــــــــــــ ـــــــــــــــــــــــــ ــــــــــــ
حلّال الشدد يا حيف
طاح بشده هالليله
لنص راسك موصل السيف
و الذباح تدعيله!
اليوم العرش گام يميل
نازل يبچي جبريله
كل البچي لزينب وأبوها..(٢)
ـــــــــــــــــــــــــ ـــــــــــــــــــــــــ ــــــــــــ
روح مودع ﷲ وياك
سلملنا على الزهره
ليالي القدر نحييها
بس وحدنا هالمره
مرّونا بتوالي الليل
خل نتذكر العشره
كل البچي لزينب وأبوها..(٢)
ـــــــــــــــــــــــــ ـــــــــــــــــــــــــ ــــــــــــ
قصيدة: اليوم الساده حزنانين
الرادود: سيد فاقد الموسوي
الشاعر: سيد محمد الموسوي
الكاتب: ميرزا محمد المياحي
رد مع اقتباس