تهدمت والله أركان الهدى
يا ناس بالمحراب طايح حيدره
مكسور ظهر اليوم سبع الگنطر
هامة الدين بلسيف ليش مطبره
علي طبرو هامه
واحنه صرنه ايتامه
صيحو ياخدامه
قد قتل الكرار في كيد العداء
تهدمت والله اركان الهدى
..................................................
اليوم جبرائيل نادى بالسمه
اليوم هظموها الزجيه فاطمة
يا ناس طبرو ليش حماي الحمه
بالشدد ينخونه
ولده اليشيلونه
الشال باب امتونه
غاب هلال الدين و النور انطفى
تهدمت والله اركان الهدى
..................................................
ياناس صيحوا بصوت كلكم ياهلي
هاليوم ضلينا يتامى بلا علي
اليوم راح يروح من عدنا الولي
الشال خيبر حيله
نعشه ياهو يشيله
السمه تصليله
هل قتل القرآن أم ماذا جرى
تهدمت والله اركان الهدى
..................................................
اليوم ركن الدين مايل و انثلم
سيف ابن ملجم ع الهامه انرسم
اليوم جنها احترگت بزينب خيم
اليوم عند الساده
هالمصايب عاده
اليخدم الهم ناده
فعمرنا والله قد ضاع سدى
تهدمت والله اركان الهدى
..................................................
اليوم زينب كاعده گبال الجرح
و باجر بكربله يلاگيها الرمح
باجر بناگه سبيه من الصبح
باجر يسلبونها
غربه تمشي ظعونها
بنت علي هظموها
بدت من اليوم قصة كربلا
تهدمت والله اركان الهدى
..................................................
القصيدة: تهدمت والله اركان الهدى
الرادود : سيد فاقد الموسوي
رد مع اقتباس