ينهر العلگمي وينه
ما نندل تدلينا
أخوي اللّي وگع يمك
أشوفه تعطّل علينا
ـــــــــــــــــــــــــ ـــــــــــــــــــــــــ ــــــــــــ
تسليني تسليني
ردتك يا بعد روحي
أناغيك و تناغيني
وتطيبهن جروحي
أثاريّك أثاريّك
أنتَ الزيدت نوحي
فلا منك فلا منك
رجعه وهدمت صروحي
ينهر العلگمي وينه
ما نندل تدلينا
أخوي اللّي وگع يمك
أشوفه تعطّل علينا ..(٢)
ـــــــــــــــــــــــــ ـــــــــــــــــــــــــ ــــــــــــ
على حالي على حالي
أبچيك وتبچيني
وأراويلك وأراويلك
چم ضربه التأذيني
على امتوني على امتوني
أنطگ وأشبح بعيني
يبو فاضل يبو فاضل
وَن السوط لونيني
ينهر العلگمي وينه
ما نندل تدلينا
أخوي اللّي وگع يمك
أشوفه تعطّل علينا ..(٢)
ـــــــــــــــــــــــــ ـــــــــــــــــــــــــ ــــــــــــ
سمعته يون سمعته يون
أخوي و هلّت العبره
على هونك على هونك
زماني شسوه بالحُرّه
يحاچيني يحاچيني
والدم يجري من نحره
تره باچر تره باچر
تشوفين العدو غدره
ينهر العلگمي وينه
ما نندل تدلينا
أخوي اللّي وگع يمك
أشوفه تعطّل علينا ..(٢)
ـــــــــــــــــــــــــ ـــــــــــــــــــــــــ ــــــــــــ
على الشاطي على الشاطي
آنه الخابت آمالي
ولا تدري ولا تدري
فگدك شسوه بحالي
مشت زينب مشت زينب
عالهزّل يكفّالي
يضربوني يضربوني!
وأنا الما شافوا خيالي
ينهر العلگمي وينه
ما نندل تدلينا
أخوي اللّي وگع يمك
أشوفه تعطّل علينا ..(٢)
ـــــــــــــــــــــــــ ـــــــــــــــــــــــــ ــــــــــــ
قصيدة: ينهر العلكمي
الرادود: سيد فاقد الموسوي
الشاعر: حسين الفريجي
الكاتب: ميرزا محمد المياحي
رد مع اقتباس