قصيدة: يا كربله تلكينه
الرادود: سيد فاقد الموسوي
الشاعر: هاشم الصالحي
الكاتب: حسين قصي
ـــــــــــــــــــــــــ ـــــــــــــــــــــــــ ــــــــــــ
يا كربله اتلكينه من اليسر ردينه
ننشد على جفوف الگمر
گالولي ضلن عالنهر
وين الجثث دلينه يا كربله تلكينه
ـــــــــــــــــــــــــ ـــــــــــــــــــــــــ ــــــــــــ
يا كربله اوين اخوتي وحسين انشدج وينه
هم غسلو جسم السبط لو بالدمه امخلينه
يا كربله اعليج النبي حجي الصدك حاجينه
مهظومه اجيت امن اليسر ورد. اشتكي الوالينه
جبت الودايع والحرم وتريد ابوها اسكينه
وارد اشتكي الحادي الضعن
ودري الجفوف اتگطعن
والسهم مارد عينه يا كربله تلكينه
ـــــــــــــــــــــــــ ـــــــــــــــــــــــــ ــــــــــــ
يا كربله وياهو الدفن حامي الضعينه او واراه
يا هو الي جاب اجفوفه اله يا هو خلاها وياه
هذا الكفلني والنعم ضحه بيساره ويمناه
يا كربله وهذا الولي اليوم اربعينه وجيناه
ونگله جينا من اليسر
گبرك يخويه ابيا كتر
يا ابو الفضل حاجينه يا كربله تلكينه
ـــــــــــــــــــــــــ ـــــــــــــــــــــــــ ــــــــــــ
ونشد عله اولاد اخوتي عالقاسم وعالاكبر
ياهو الدفن جثه علي بحد السيوف موذر
يا كربله وصوت العده ياذيني من اتذكر
هذا المكان البي هلي وهناه ولانه العسكر
هذا المكان البي هلي
وهنا ولانه ابن الدعي
وهنا وكع والينه ياكربله تلكينه
ـــــــــــــــــــــــــ ـــــــــــــــــــــــــ ــــــــــــ
يا كربله وجيت انشدج عن السبط وعياله.
عندج. خبر عن الطفل گليلي شنهي الحاله
هاي امه اجت تنشد عليه بدموعها الهماله
يا كربله وهم اندفن لو سحكته الخياله
ياكربله كربله اشعندج بعد
حتى الرضيع البالمهد
بدم. النحر ساكينه يا كربله تلكينه
ـــــــــــــــــــــــــ ـــــــــــــــــــــــــ ــــــــــــ
جيتك وتعبني السبي ولماله اخو يضل مندوم
وانه وبناتك عالگبر مثل الحمامات انحوم
نشيكيلك اهموم اليسر وادري متروس اهموم
يبن امي محني الدهر مظلوم يشكي المظلوم
نشكيلك السوه السبي
نسوان والحادي اجنبي
يتفرجون اعلينه
ـــــــــــــــــــــــــ ـــــــــــــــــــــــــ ــــــــــــ
بالنار مدري ابخيمتي لو بالزراك البيه
احتار مدري بطفلتك لو بوكت الترچيه
مستحيه من رديت الك ويتثاگلن رجليه
خافن تفكدون المشن وفاكد ضعن بنيه
ضلت عله راسك تون
كل ضنها يمك تندفن
خافنك تلاكينه يا كربله تلكينه
ـــــــــــــــــــــــــ ـــــــــــــــــــــــــ ــــــــــــ