القصيده :: شيلو الگلب حطولي اخوتي
الرادود :: سيد فاقد الموسوي
كلمات :: سجاد حازم الاسدي
ـــــــــــــــــــــــــ ـــــــــــــــــ

زينب وراكم مايبشر حالها

ياهو اليشيل ارسومكم من عيني
كل رسم منهن سولته يبجيني
الي عن عمري ينشد ما ارد واحتار
يلموتكم فرهد الضل بسنيني
احاه يموت اهل المحنة
يطشر العمر والضال منه
اتنشز معاني الفاگد اخوان
مثل الملطخ وجهه حنة
كل خطوة اثر عل كاع طيحة
والراح مامش صوت اصيحه
ماتنوصف ياحرگة الروح
والمثلي بس موته اليريحه
خلافكم ماصح بشر يفهمها
جا هاي عيني طوني اليوالمها
مابيها حيل تغمض بوكت النوم
تعبت تره من صوركم الترسمها
بفراگكم بس الدمع يحلالها
............................
بلايه اهل من تگضي مدري شلونها
مابيها لذه وعميه كون عيونها
الدنيا هاي اشكال سوت بالروح
والماله عون يعيش شحت عونها
شيلوا الگلب حطولي اخوتي
مو مال اعيشن مال موتي
والله العظيم بكثر الصياح
وي الدمع طيحت صوتي
ياهو المعوز ضيم اچمله
انه التحمل فوگ حمله
انه البقه بلا عافيه وحيل
محتاره عمري شلون اكمله
ها يهل زينب هاي شيگضيها
جم طفلة اجتني التبجي من رجليها
هيه المصيبة جفوفي هم محتركات
اتحير التجيني اطفيني لو اطفيها
هسه وي اديه النار بله شمالها
..........................
الغربه وضياع وضيم روحي الداير
چا بلكي منهن وحده تكسر خاطر
العاشر خذاكم غير تنفض يعزاز
جا انه شو كل يوم اعيش العاشر
انه البلا بلوه زمانه
انه الفگد بزره واخوانه
راحت اللمه الي وي الحنان
كلها ابخت من طشرانه
شثگله الحچي المابيه اگوله
وصار الدمع للعين سوله
ابذبح اخوتي شيقنع الروح
هاي التشك گلبي عله طوله
لهذا الهجر ماشوف حل لا چاره
والگلب عنكم ماتبشره اخباره
كل ما انشده عليكم يدگ بهداي
وتوصل لراسي شما ذكركم ناره
ماتت يگلبي العايشين بجالها
............................
من ياوكت زينب بهاي الحالة
الكافلني كمت اتمشه وي چتاله
امر الله هذا شبيدها المسبيه
واستوله هسه الخايف من خيالها
نومت هلي لاوين حدها
طلعت روس الموش گدها
امدنگه شكثر من جنتوا عدلين
تتماده هسه وصعبه اردها
من بذني گالوا موته اهلها
فوگي السمه ذبت ثگلها
مو من عوايدكم تجافون
وبيكم محنت الزهره كلها
بالگوه اكضها تريد تطلع روحي
ملت تكابر من حسرتي ونوحي
يجوز اقنع بنادم يعد النجوم
بس فنه يگدر يعد ذني جروحي
علوادم الماتت كلت هنيالها
.........................
لحد يگربلي الدوه
سدوا علي حته الهوه
الطف خلص وشگد عشت
انه ارد اموتن كافي انه ارد اموتن كاافيي
ـــــــــــــــــــــــــ ــــــــ