القصيده :: يا موت حيره ودم اهلي
الرادود: سيد فاقد الموسوي

ـــــــــــــــــــــــــ ـــــــــــــــــــــ
ياموت حيرة ودم اهلي الدلاني
ياموت ما اميز ولدي من اخواني

ما اشوفن والدم حيرني
ياهو العباس وياهو ابني

ياموت واحد ما يغلا على الثاني
ياكسرت كلب حسين انته وكسرت كلب امك
هيه وشالت حيل بروحي وطاحت يم عمك

رديت عن امجانك يوليدي واسئل
رديت والله اندل بس ماريد اندل
ماريد الكا وليدي مطشر
وبحجت تايه واتاخر
رديت واني ادري من اترجا يخجل
خاف اوصل بس خاف من الدم ما ميز شكله
اني اول تايه بس يندل دربه الرايحله

يرباي حتى ابموتي اني اتعناله
يرباي بلحافر راح ادناله
ميت بويه ومافاركم
راح يجرني الحافر يمكم
يرباي جا غير اني الجنت اخياله
يوليدي المات ابنه اكباله يحتار بحيله
بعد شويه حسين مكطع جا ياهو يشيله

محتار خاف احجي وخاف امك تسمع
محتار.. لا تنشال ولا تتجمع
لو ما دمك ما اندلك
شفتك بس ما شفتك كلك
محتار ياهو الشاف وليده مكطع
وخرت الدم و حبيته من عيونه الحلوة
جا هوة الفاكد هم ميت بس عايش كوة

ضليت بس ابجي الروحي وابجيلك
ضليت ياهو يكوم وياي يشيلك
فوك الكاع الدم متبدي
كلهم ذوله اخواني و ولديي
ضليت ياهو المن عدنه يتجيله
من ارجع لمك بلخيمه شيهود حالي
يوليدي انتم كلكم تعبني وغالي بصف غالي
ـــــــــــــــــــــــــ ـــــــــــــــ