معذرتاً راح اشيل ايدي واكلكم رايحه
معذرتاً ترهم عله النوگ اسوي الفاتحة
اويلاه... اويلاه... اويلاه...
------------------------
لازم تشلعون گلبي
وماتخلص من يبوي
كاضه صفاحي عليكم
واگضي هذا اليل الوي
السبي مايوجعني والله
بكثر مايوجعني اخوي
ماشوفها تعدي وترد ذيج الأيام الزينه
الدنيا مالتنه وعلي وفروا الدنيا علينه
يحسين راسك مو خصم چا المن مطيحينه
من عين عباس طلعت چي طب غريب
بعينه
اخي حسين
عاذرتكم بس تغثني النومه
اخي حسين
حيل مابيه بعد للگومه
اويلاه اويلاه اويلاه
....................................
لا تدللني كلتلك هذا تايلته الدلال
هسه كلها اختك انشافت
وگبل چانت بس خيال
ياحلال العندي باقي
وفرهدوا راعي الحلال
گوه انته متحمل بعد ياگلبي كافي متانه
بس انه من دون البشر وياي ماخلصانه
جوانه نار وخيمتي محترگه هم فوكانه
هوه اليدور الخاتمة لازم يبدل اخوانه
هذا القليل
فدوة اخوي وفدوة حته وليدي
هذا القليل
بقت بس ربي العبايه بأيدي
اويلاه. اويلاه اويلاه
.................................
ادري مابيها مجال
وروح ابوكم راح اموت
وين ما عد الله گاع
بشامهم زينب تفوت
حته ضليت من اطيحن
لا اسم الله ولااكو صوت
ترحون يابعد العمر واني ادري الله وياكم
بس لازم نگول البخت ورم عيوني جفاكم
ميتين بس عذروني اذا احلفكم بموتاكم
من كثر ماصرتوا وذر كل ساع يمي الگاكم
الى متى
ابقى اتانيكم يبعد ضلوعي
الى متى
گمت اطفي خيامي من دموعي
اويلاه اويلاه اويلاه
.....................................
عمت عيني وعمت عيني
وبعد ماريدج يعين
انه چنت ابيت ابوي
وماعبر غرفة حسين
هسه تاليها صفيتي
بضلعه چا تتهطرين
ساعة السودة ولاشفت گدام عيني شصاير
ميخالف اخذونه سبي خل افتك من العاشر
عبدالله مو حصته الحضن صار بمكانه الحافر
عمت عيني من شفت الحسين شلون ضل يكابر
هاخرجت
هاي هيه الكبرتلي سنيني
هاخرجت
وكت عين الوادم تصد عيني
اويلاه اويلاه اويلاه
.................................................. .
القصيدة: ها خرجت
اداء الرادود: سيد فاقد الموسوي
رد مع اقتباس
