راحن سراب
....................
وسفه ذيج اسنينه..
الراحن سراب...
شنعرف من السنين..
الي يجن...
كظت كل ايامنه..
بلوعه وعذاب..
وجلجلن بينه المصايب والمحن..
َوالفرح مايوم اجه..
ودكالي باب...
بعد واترجه يجي بهذا الزمن..
هزر اغصاني الوكت..
وابعد احباب..
من غزاني بغفله واصبحت بوهن..
لاتنشده شلون..
وتريد الجواب..
والعواهر ابد لا مايستحن..
مو سواني السلف
مكتوبه بكتاب..
ابد مايعترف بيهن وانمحن..
بالعلن يحكم..
ولا همه الغياب..
اباطل بحك مايهم بلي انسجن..
ابمطاميره اسنين.
ماالهه حساب..
هجي ايام العمر..
منه المظن..
لاننشده شلون..
وشنهي الأسباب..
وليش ذيج ايامنه بلوعه كظن..
والذنب بينه..
لان نزوة شباب..
ماحسبنه احساب ساعات المزن؛.
بعد لاتعتب..
وشيفيد العتاب...
صعبه طكات الوكت يترادفن...
أشكد تجرعنه..
وتحملنه المصاب..
شي اكيد الاخره هيه السكن..
والمصيبه بالحشر باجر عقاب..
فوك هذا الظيم بس ربي احن..
اكصد احسين..
الدعه بكبته مجاب..
ويمه ترتاح النفس جنة عدن...
...........................................
بقلم ابو عقيل الدغاري المطوكي
رد مع اقتباس