صوبني بدليلي
.....................
مخافي الدنيه كثره..
ومالهه احساب..
بس هيهات واحد بيهه يعلم..
غفله من تجي..
تراويك الاهوال..
ينزار البخت لو منهه تسلم..
وين تروح..
والمن تشكي الأحوال..
بيك الدنيه لاتعتقد تهتم..
بيك ولاتحسب..
ابدا احساب..
ولا تشكي للغير هواي تندم...
اهل البيت..
خلهم اسوه ياصاح..
صبرك عل المصيبه يصير مغنم..
ماتدري بالدنيه..
اشكثر شمات..
جماله اعل المصيبه النوب تنذم..
عله هاي الأرض..
مايبقه انسان..
مرسومه صورهه بوسط مرسم...
ولأن سهم المنايه..
حاضر ابساع..
من يصيب جرحه صعب يلتم..
واني الصابني..
وصوابي جتال..
صوبني بدليلي وسيح الدم....
....................................
بقلم ابو عقيل الدغاري المطوكي..
حفظكم وحرسكم ربي جميعا
رد مع اقتباس