ليل ومخدّه وبجي
يجي الليل وتجي الوحشه ،
وتنزل بروحي السوالف حارّه
وآبجي عليك .
يجي الليل وتجي الصفنه ،
يجي الليل بلا نعاس ،
وتجي كَبالي بريسم آبيض .
بيَّه ما بيَّه أمد آيدي عليك ،
وينكسر كَلبك عليْ وتموع زيبك .
جنّي آناشغ بين آديك ،
وجنّك تمشّط دمعتي ،
جنّك تبخّر شهكَتي ،
ومن أصابيعك أمص خمر النعاس .
جنّك تلوليلي وآغفه ،
أبجي وآغفه ،
وآشبك بحركَه المخده .
يا وسع خلك المخده
هلكَد آسوالف عشك فوك المخده
عبد الكريم القصاب
رد مع اقتباس