هنا

[ياقائم آل محمد]

السلام عليكم
فضلا وليس امرا اريد قصيدة ملا جبار الحريشاوي كتلتني فركاهم مكتوبة

[المستشار القانوني]

وعليكم السلام ورحمة الله وبركاته..

تفضل :


هذا اول افراگ. بين عله عيوني
وبدموعي ناديت. يايمه تانوني
شيردها لمتهم. كتلتني فركتهم
بين عله عيوني
****
ليشر اليريد يروح. يلجمني ويروح
بس انه عكس الناس. شو دمعي مفضوح
بهداي اسد الباب. وتسله بالنوح
زين وبعدهي وياي. ما طلعت الروح

جلمت مسه الخير. المن اكولنها
انه ام الأولاد. المحد سأل عنها
محتاجه شوفتهم. كتلتني فركتهم
*
عوف السفر ناديت. ورجع بالضعون
مثل الملح فركاك. ينحط بالعيون
صح الصبر مريود. بس اصبر اشلون
حته الفضل يحسين. طاح امن المتون

بالاربعه افديك. يا مهجة الزهره
بكل ولدي ضحيت. ويبني اشعر مقصره
وتدري بحميتهم. كتلتني فركتهم
***
يا دهري ليش وياي. من عندي شتريد
كل ساعه حسره اطيح. من فركت الايد
يا كلبي خلك راح. شيرد البعيد
نار بكطن ضليت. اشما بعدو اتزيد

كبرت الاولاد. خاطر يضحوله
وامخليه الحسين. بعيوني كلوله
ماكو بمحنتهم. كتلتني فركتهم
**
غير اقتنع ماشين. ونساها الهموم
تعرض صورهم ليش. وي لذت النوم
افراك الاودهم كام. يذبحني كل يوم
وصارت بضلعي الاخ. خلتني ماكوم

امحلفته عباس. بالخوه والغيره
ما يترك حسين. ولا ناضره ايديره
ويا محله عشرتهم. كتلتني فركتهم
*
الخيط ضل ينشاف. زين اشوه مني
صرت ارفع من الخيط. والهم كتلني
مو عالولد يا ناس. كل هذا وني
وجتفافي للعباس. مو يمي ذني

كل الولد هيج. خل تسمع الوادم
بس كون الحسين. امن الطف يرد سالم
معروفه غيرتهم. كتلتني فركتهم