اجلبنك يليلـــــــي ودوله كلهه الغاز
صعد سوگ الجگاير والشكر والغاز
غلات الســوگ بس التاجر الي فاز
عدمن تشتكي وياهو اليگص عيبه
صعد سوگ الدجاج وحناعدنا نذور
كـل جمعه انتعشه لو نوينه انزوور
العنده انذور لازم يشتري ومجبوور
يهديهه ويغمس عــــــــود.تشريبه
اجلبنك يليلـــــــي وكلــــه بالدولار
بالفييين الطماطه والف كيلوخيار
نگضي اليل كله انتابـــــــع. الاخبار
شعب يمكن تمولس مـــــا إله طيبه
اجلبنك يليلــــي وكهرباء ساعه
وحاكمنه المخظرم علگ. اشراعه
مغلس عالوضـــع ومبينه اطباعه
ومايدري المواطن منتعل شيبه
اجلبنك يليلـي وشيغمض العين
افكربالطحينه الصارت بخمسين
وابوالدكان بطل مايمشي بدين
ولو گتله حرام ايگلي ادريبه
علاس السياسي وهوه الحواف
وتاجرنه تمــــرد مااظنه.ايخااف
نريد اليوم حاكم يحكم وسياف
قانون واداري وحكمه ابجييبه
شعب كله تمولس فاگـــد القانون
ومن يلفي محرم كلهم يلطموون
لاچــن بالتجاره نعرف ايچذبون
غش وحرمنه ودويانه بس غيبه
اجلبنك ياليلي 12 تجليبه

ابو باقر الصالحي