القصيده : العشره منا وانتهت
الرادود: سيد فاقد الموسوي
الشاعر: علي مالك الموسوي

كلها طاحت حته الاسم الله كضت
هاي هيه العشره منا وانتهت
بعد ماتنضم عليكم يالحسين
موش طلعت خويه لازينب بجت

عمده كام يصيح وين يله خل يفزع حسين
كتله مايتعطلون هسه يوصلني الحنين
حيره شيكوم الحسين لناسه
ابن گلبي گبالي گطعو راسه
ـــــــــــــــــــــــــ ـــــــــــــــــــــــــ ــــــ
هاي هيه العشره منا وانتهت
ـــــــــــــــــــــــــ ـــــــــــــــــــــــــ ــــــ
اعز واحد ماكو كله اعزاز هاي
بس الحسين العزيز من الله جاي
مانحب الشام المن رايحين
شلون اروح وعايفه حسين بوراي

عفت واحد توه نام وثاني ماكلته السهام
وطفل توه يصيح ابوي بس دوت فوكه الخيام
عفت عون انداس ماحاجيته
خالك امطشر رحت لميته
ـــــــــــــــــــــــــ ـــــــــــــــــــــــــ ـــ
هاي هيه العشره منا وانتهت
ـــــــــــــــــــــــــ ـــــــــــــــــــــــــ ــــــ
هوه اليهظمك وروحك تنمرد
انه اگولن يرد صاحو مايرد
والتكتلك موش حي الله اليروح
وين المربع وكاعد بالجبد

راح غير يكول راح كمت ماعرف استراح
خلص صوتي من الثغيب وطلع كلبي من الصياح
مالت الله وهاي لازم تنحجي
مال اموت عليك مو مالت بجي
ـــــــــــــــــــــــــ ـــــــــــــــــــــــــ
هاي هيه العشره منا وانتهت
ـــــــــــــــــــــــــ ـــــــــــــــــــــــــ ــــــ
كلبي مايطيني اگلهم رايحه
ماتشيل الدنيه هاي الفاتحه
هسه الم بجفوف عباس الحنين
والفرق شابگني بيه البارحه

صارت المو بالحساب العمايم عالتراب
وزعو بضلوع اخوي واني اگلهم مو ثواب

شفت مشهد هذا زيد نوحي
حسين گلهم كافي طلعت روحي
ـــــــــــــــــــــــــ ـــــــــــــــــــــــــ ــــــ
هاي هيه العشره منا وانتهت
ـــــــــــــــــــــــــ ـــــــــــــــــــــــــ ــــــ
تطي عينك وين كلها مطشره
حته الهدوم على اخوتي موذره
اني اشوف الخيل تعبر بس اكول
هاي وادم طايحه مو گنطره

شفت حافر بس فضيع خنگ عبدالله الرضيع
ضاعن عيونك يخوي ضاله المن خل اضيع

حته "الله وياكم" من احجيها
عدل ماعدي اليرد عليها
ـــــــــــــــــــــــــ ـــــــــــــــــــــــــ ــــــ
هاي هيه العشره منا وانتهت
ـــــــــــــــــــــــــ ـــــــــــــــــــــــــ ــــــ
كون منا وانتهت هم زينه
جا حقدهم وين واصل بينه
غير عبدالله انذبح عوف الگماط
أكماط هوه عليمن امكطعينه

صحت كافي وكالولا. والده انذبحه وراه
يختلف ذبح الجبير. كون لازم من گفاه

هاي كلها گبال عينج صايره
تكضي اخوتج والج وادم دايره