القصيدة :: وداع الحسين وبته
الرادود :: سيد فاقد الموسوي
ـــــــــــــــــــــــــ ـــــــــــــــــــــــــ ـــــــــــــ
شيخلص وداع الحسين وبته
كل مايدير عيونه گلبه يعته
يصعد الناگن وينزل يردلها
ويگلها طبي ويرجع يصيحلها
ودعها بأنواع الصور المامرت على الاحلام
يوگف عليها وينتحب ويدنگ عليها الهام
يختنگ ويبوك النفس ويگعد على اركبه وگام
يمشي وتجر هدمه ورجع واتمدد وياها ونام
ومن الهوادج صوت صاح اسم الله
غافي على صدر امه وشرك عبدالله
شيخلص وداع الحسين وبته
ـــــــــــــــــــــــــ ـــــــــــــــــــــــــ ـــــــــــــ
محتار حيره ومتچي اعلى الباب ويصد الها
ينهضم ويشد نگبته ودموع عينه تفلها
مايگدر يدير الضهر لبنيته ويعلعلها
يايس ويرجع ليورا تاشرله وياشرالها
ذرعانه يفتحهه وتگعده الحرگه
يبتسم ليها وتجي اركاض تشبگه
الصخر هذا الوداع يفته
شيخلص وداع الحسين وبته ـــــــــــــــــــــــــ ـــــــــــــــــــــــــ ـــــــــــــ
صد على العباس وصرخ يامن الضعن اخته اشراع
لاارضى امشي ولا اضل هم هذا يتسمى وداع
عباس صد لفاطمه هاالكثر ضعفت شبساع
الثوب على كدها البارحة واليوم يسحل بالگاع
لاترهم امشي ومن اضل ماترهم
عباس مدري شعنده وياي الهم
شيخلص وداع الحسين وبته ـــــــــــــــــــــــــ ـــــــــــــــــــــــــ ـــــــــــــ
ركضت وطبت دارها وفحطانه ردت بالماي
تغسل عيونه من البچي وبچفوفها تسوي فياي
وتاشر على عيونها وتگله الك هاي وهاي
عل عشره توني تعودت ماعشت وياك هواي
يحسين بس وي الضعن صعدني
بيتني ليله وياكم ورجعني
شيخلص وداع الحسين وبته ـــــــــــــــــــــــــ ـــــــــــــــــــــــــ ـــــــــــــ
يحسين ماتعبك بعد وتوكل على الله وروح
هوه انته عايفلك جسد وبعيونك مچلبه الروح
وموته اموتن لو رحت كل يوم يشربني النوح
تعرض صوركم عل جفن وشما احضنكم مالوح
يحسين لوتدعيلي اموت احسلي
من يجزي ضعني كلي يكره كلي
شيخلص وداع الحسين وبته ـــــــــــــــــــــــــ ـــــــــــــــــــــــــ ـــــــــــــ
انه ادري مو لاجل المرض بدياركم عايفني
يالبيدك الحر والبرد. ماتكدر اطيبني
من ايدك كلبني هوه بنسمات روحك ضمني
من يصعب عليك النفس طلعني وتنفسني
سويني كلشي ولاتخليني انذب
عكازه كلشي يصير اخذني الزينب
شيخلص وداع الحسين وبته ـــــــــــــــــــــــــ ـــــــــــــــــــــــــ ـــــــــــــ
رد مع اقتباس