قصيدة: اصعد لأهلك للنار
الرادود: سيد فاقد الموسوي
الشاعر: حيدر الخزاعي
الكاتب: حسين قصي
ـــــــــــــــــــــــــ ـــــــــــــــــــــــــ ــــــــــــ
يا برداً يا رحمن على اليردونك
بلياك الدنيا تخوف مثل عيونك
بالعركة اليومك محد شاف متونك
............راجع محد شافاك............
وبكيفك حتى المو وياك بكيفك
يمأدب الدنيا وشر الدنيا بسيفك
يلحاسب سيفك لمن تشتد ضيفك
...........شما جاع تشبعه بهاك...........

يلمشيتك معروفة...سوت رعب بالكوفة
دم وسلام چفوفه...علي علي علي
اسمك حرز للخايف... يلبيك ربك حالف
يلما يعرفك عارف... علي علي علي

علي مولاه...علي مولاه
ـــــــــــــــــــــــــ ـــــــــــــــــــــــــ ــــــــــــ
يلطارد وادم گلبي وكل اعزازه
عد الما عدهم غيرك صحنك عازه
والشيعي الما يمشيلك يمشي جنازه
............وتحسبه وي الزوار............
باچر من المشاية يضك بلمحشر
وافواج افواج تصيح حيدر حيدر
وانت السميته الرابع گوم أتحضر
............ اصعد لهلك للنار............

ولخذت منهم دينك... گدامك متانينك
ماريد تلمح عينك... علي علي علي
غاد بسقر تلگاهم... وتفاهم انت وياهم
واسأل على الوداهم... علي علي علي

علي مولاه...علي مولاه
ـــــــــــــــــــــــــ ـــــــــــــــــــــــــ ــــــــــــ
دخيلك يالمنطي الفقره هدوم اولادك
يالگوه الطير يطير مسمنه بزادك
اسرع من طگت سيفك تنطي مرادك
............يهواي وتنطي هواي............
چي حيدر چي عد ربك كلش غالي
شما تعلى الگاع اليمك گبرك عالي
يا حضي الماكو بگده ويا هنيالي
............حيدر حيدر مولاي............

خدمة علي واولاده..سوتنه روس وقاده
تراب اليدوسه گلاده... علي علي علي
دين الله صار بسيفه..يقسم الناس بكيفه
فاز اليشوفه بطيفه... علي علي علي

علي مولاه...علي مولاه
ـــــــــــــــــــــــــ ـــــــــــــــــــــــــ ــــــــــــ
يا عالم يالما واصل علمك عالم
ويا فارس ما ضل فارس منك سالم
بالعركه نعرفك زين ونعرف وادم
............ تلبد لو اسمه انجاب............
يلچانت لمن تثگل لمن تصعب
بس انت التنزل للحومه وتتگلب
لو ما سيفك چا محد أدب مرحب
............وجا محد داحي الباب..........

لا مرجله ولا غيره...ماخله كلشي لغيرة
ليل وشمس كل ديره... علي علي علي
يخوف اليمر اباله...سيد على الخيالة
المن شيعته هنياله... علي علي علي

علي مولاه...علي مولاه
ـــــــــــــــــــــــــ ـــــــــــــــــــــــــ ــــــــــــ
اليبغض حيدر واضح من ارسومه
ويحيرك من تعوفه يبث اسمومه
من تلحگه تريد تكتله يذب هدومه
............ وعليك بعاره يفوت............
لو رايد درب الدين وتوصل لله
تتحمل دربه المر بضيمه وثگله
تحب حيدر يعني تواضب تسگي النخله
............ الگلك فوگاها تموت............

والسلّم امره بأيدك...يتأيد بتأيدك
وتحسبه مثل وليدك...علي علي علي
والما اخذ تأيده...خل السقيفة تفيده
الحب الله ، الله يزيده...علي علي علي

علي مولاه...علي مولاه
ـــــــــــــــــــــــــ ـــــــــــــــــــــــــ ــــــــــــ