القصيده :: تفاركينه
الرادود :: سيد فاقد الموسوي
الشاعر: :: محمد الجراح
ـــــــــــــــــــــــــ ــــــــــــــــــ
يالمشيتوا وروحي بيكم شاخت عليه الخرابـه
عطشت عيوني لصوركم شلي بالماي وشرابــه
طبكت جفوني بهضمها كحلة الثار الكرابــه
مدللتكم واعز وحده نايمة بسد الترابــه
حيره حيره ومن بجينـه
نهم بالـموت بعبينـه
رووحي بيدك وانته بيديي
وتااليي باگووك من ادينه

بهيده بهيده ريضو بينه تونه جدد فاركينــه
ـــــــــــــــــــــــــ ـــــــــــــــــــــــــ ــــــــــــ
وكت خلوني اعله ناكة وانه مكعادي الـعرش
حاسبه تردون اليه وفارشه بروحي الـفرش
توا سنبلكم ترسني شعنده منجلهم يـحش
صدوركم بسهام تنرش وانـه بدموعـي ارش
روحي روحي تونه اجينه
العفه عرضت هل بطينه

بهيده بهيده ريضو بينه تونه جدد فاركينــه
ـــــــــــــــــــــــــ ـــــــــــــــــــــــــ ــــــــــــ
موتي ياروحي الحنينـه ومن صواني الضيم اشربي
انا ذيج المااطيحن انخه عوجيه اعله دربي
هسه انه بكيفج يناكة طوع شورج بيه غربي
الموت حك واحنه حكة انـا ويـ الفركة حــربي
سكته سكته من هوينه
شمع ياروحي انطفينه

بهيده بهيده ريضو بينه تونه جدد فاركينــه
ـــــــــــــــــــــــــ ـــــــــــــــــــــــــ ــــــــــــ
ياهو اليدلينه بيكم حاير يصبر اعله حاير
ندور الينشدنه عنكم شحت الوادم ضماير
وينه اليركدلي كلبي نمشي كوه وهوه طاير
يلـ جفيتوا عيوني غربه برد دمعي وجفني فاير
ديره ديره تغربينه
يم اهالينه انجفينه

بهيده بهيده ريضو بينه تونه جدد فاركينــه