قصيدة: نطلب ثار
الرادود : سيد فاقد الموسوي
الشاعر : كرار القريشي
.................................................
نفس چف عباس باجر المسناية..
يوگف المهدي بأرضهم يرفع الراية..
انروح مشاية.. انروح مشاية

للبقيع اتصير حضرة ويطلب بثاره..
ويصلب الجبتين باجر من غضب ناره..
واحنا أنصاره.. واحنا أنصاره

​باجر بنصهم مجالس للحسن ننصب..
وتدخل هواي المواكب للبقيع اطب..
رهبة آل سعود باجر من يجي المهدي
موقف يشتت شملهم لو بدا يخطب..

وبعد عيني اليطب ياخذ بثار أهله..
وصوت من أم البنين تكله يا هلا..
كلنا نطلب ثار.. كلنا نطلب ثار
.................................................
الثأر من الهدموهن حتماً انريده..
وشكو واحد إيد الهم تنقطع إيده..
احسابنا نعيده.. احسابنا نعيده

​تنبني قبور البقيع إن شاء الله بزوده..
عجل اللهم عجل فرج موعوده..
جاهزة جنوده.. جاهزة جنوده

​باجر تميز الحقيقة وتعرف الغاية..
من البقيع تشوف باجر تنرفع راية..
منبر و رادود يقرأ وينصب موكب..
كلها تقصد للزيارة تروح مشاية..

نجيب ويانا تربه من الحسين ونطب..
للحسن نمشي يم قبره بدموع التصب..
كلنا نطلب ثار.. كلنا نطلب ثار
.................................................
كون يتحقق حلمنا ويرجع الغايب..
حزام يتحزم طفلنا ويركض الشايب..
والگلب ذايب.. والگلب ذايب

​خلي توصل للسمعنا الصرخة شيعية..
ثارنا وياكم قريب وإله راعيه..
يوم إله جية.. يوم إله جية

​يالثار الضلع نهتف والظلم حيدر..
وكربلاء وذيج السباية ودم أبو الأكبر..
والمشت للشام غربة والحدوا بيها..
والجسم ذاك بحوافر خيلها مطشر..

كلها منكم بدت ذيج شرارات الفتن..
المهدي يبدي بطلب ثار ضلع أم الحسن..
كلنا نطلب ثار.. كلنا نطلب ثار
.................................................