القصيدة: مشه توه الضعن
اداء: سيد فاقد الموسوي
كلمات: محمد الموسوي
~~~
مشه توه الضعن .. مشه توه الضعن
~~~
هلي كلهم مشو وتباوع عيوني
اصد اعله المحامل واشبگ متوني
رقيه شما التفت ينخطف لوني
اگولن بالسلامه وتطلع اخذوني

والعيون انعمن .. مشه توه الضعن
~
يحادي مروتك ارد اشبگ اخواني
هذاك يدير وجهه ويلتفت ثاني
ما يدري اليروح بضيم اليتاني
شما يبعد ضعنهم ينگع اردني

جدامي تعثرن .. مشه توه الضعن
~~~
يحسين اعله هونك فرگتك صعبه
مو تدري اليحبك ينشلع گلبه
علي يحرم بيتك بعد فلا اطبه
المرض هين تره بس تكتل الغربه

لياليكم گضن .. مشه توه الضعن
~~
هلي يا فرحتي وما دامت الفرحه
هلي ليل الهجر ما ينجهب صبحه
هلي گلبي بجفاكم هاكبر جرحه
الزلم باجر ترد كل واحد ورمحه

لياليكم كضن .. مشه توه الضعن
~~~
ايا لمة هلي وضحكتهم الحلوه
ايا حادي الضعن من گوطر شسوه
ايا هضمة دليلي المنكسر توه
ايا حجيي الشماته الينسمع گوه

ايا ضيمي بهذن .. مشه توه الضعن
~~
تعذروني بس حگي من اعاتبكم
هلي گلبي وگف لمن كتبتلكم
هلي خاف الرسايل تنگطع عنكم
هلي گولو العليله ماتت تحبكم

رسايلكم بطن .. مشه توه الضعن
•••••••••••••