هلي يافرحتي المادامت الفرحه
هلي ليل الهجر ما ينجهب صبحه
هلي كلبي بجفاكم هاكم وجرحه
هلي باجر نرد وكل واحد ابرمحه
هلي اخر مكاتيبي كتبتلكم على الكاع
ابنكم باعته الدنيه ولا ضاع

ايا لمت هلي وضحكتهم الحلوة
ايا حال الضعن من كودر اسوة
ايا هضمت دليلي المنكسر توة
ايا حجي الشماته الينسمع كوة
ايا ضيمي بهذن ومشه توة الضعن مشة توة
هلي عذروني بس حكي من اعاتبكم
احس كلبي وكف لمن كتبتلكم
هلي خاف الرسايل تنكطع عني
هلي كولو العليله ماتت اتحبكم

عليله وكلبي حن
يحادي امروتك خل تنشف الحنه
يحادي شويه خل اشبع شبك منه
ضعنهم لو كطع مابيه اعوفنه
يحسين على هونك فركتك صعبه
مو تدري اليحبك ينشلع كلبه
علية حرم بعد بيتك ولا اطبه
المرض هين ترة بس تكتل الغربه

لياليكم كضن..
مشه توة الضعن
ـــــــــــــــــــــــــ ـــــــــــــــ
قصيدة: هلي يافرحتي
الرادود: سيد فاقد الموسوي