القصيدة :: مراحل الحياة
الرادود :: حسن خريبط
الشاعر ::حسن خريبط
ـــــــــــــــــــــــــ ـــــــــــــــــــــــــ ـــــــــــــ
ناسي كلشي ومانسيتك ضيعت عمري ولگيتك
الدنيا لهل الدنيا وانه. بايع الدنيه وشريتك
احله مابدنيا كلهه من اختلي بروحي واگلها
ياحسين تگلي عيد الكلمه هاي المااملها
هيام اسمك مخليني اعيشك
هيام خذني من الدنيه بيدك
هيام كلشي طايح بس اريدك
ياعشگي من الزغر اي وتولعت بيك
ابد مااجازي امي الدلتني اعليك
تره السويته محد غيرك يسويه
حسين بس الله يگدر باچر يجازيك
بكل مراحل حياتي لگيتك
الله ينساني اذا نسيتك
ـــــــــــــــــــــــــ ـــــــــــــــــــــــــ ـــــــــــــ
الله خالقني الخدمتك وين اروحن لو خسرتك
انه عمري بلا وجودك ضايع ويطلب رحمتك
اهجر الدنيا واتبعك شلگه بالدنيا من اضيعك
السكوت يعم حياتي والوحيد انته الأسمعك
حسين انته عايش بالضماير
حسين بدربك انحب المخاطر
حسين الدنيا تتعبنه ونكابر حسين
الله الله اذا عاندنه وبدينه
خصوصا لوذكرنه حسين وبچينه
والكثر لو لگينه الناس الينضرون
بعد ماتنلوي ولاتتعب ادينه
بكل مراحل حياتي لگيتك
الله ينساني اذا نسيتك
ـــــــــــــــــــــــــ ـــــــــــــــــــــــــ ـــــــــــــ
انته وحدك ماكو غيرك تنثر بروحي عبيرك
للامانه الدنيا كلهه جاعت وعيشهه خيرك
انته كل حضنه وبختنه انته لوماانته متنه
عذرنه چنه ندور اسمك وهسه گمنه ندور اسمك
خلص كافي نحرفها ونجامل
خلص كافي بالخدمه التقاتل
خلص حسين نعمه وفضله واصل
بكل مراحل حياتي لگيتك
الله ينساني اذا نسيتك
ـــــــــــــــــــــــــ ـــــــــــــــــــــــــ ـــــــــــــ
رد مع اقتباس