هنا

[المستشار القانوني]

صارت هدد ماكو أرشام
مگرود يالشيخ العام
.....
ابلا حيا ولا مستحه
طس العگال وسرسحه
شيخ انه گال برندحه
ويامكثر اطوال الخام
.....
بانيله طوله بلا نفع
لاهي وتر لاهي شفع
بالمشيه لازم تندفع
اجرة كلامه القرام
....
للماعرف گدره شكثر
الجان نايم لظهر
سواله دجه ومنتظر
ظل گمگمه بلايه صخام
....
الماله ثايه ولا اصل
حط سانيه وحدد فصل
واليدفع ايگصله وصل
ويناطح الشيخ العام
...
يلبس تشوفه احسن لبس
ويختار وين اغله مدس
ماعوزه بس زفه وعرس
كشخة زلم بالهندام
مگرود يالشيخ العام

علي تكليف الصگبان

[A.O.K]

روعة
عاشت ايدك الحبيب

[المستشار القانوني]

روعة
عاشت ايدك الحبيب

الأروع مرورك الطيب مولاي الجليل