ميار من شركة لطافة
للأمانة أشتريته لان العطر اللي ماخذته وياي للدوام خلص ف اخذته حتى يخلصلي يومين بس
مكوناته / سويت وحلويات
ينطي شعور بالانتعاش والنظافة
ثباته وفوحانه /الثباتية ساعتين
الفوحان / صدمني فوحانه عالي مقارنة بسعره
السعر / 3 الاف
التقييم النهائي/ 5/10
هذولي الاثنين تعبئة أخذتهم من بازار الف ليلة وليلة قبل يومين
واحد بيهم سويت
والثاني هيل وزهور
الثباتية والفوحان / تقريباً 3 ساعات
أشتريتهم للاستعمال البيتي بمكان المعطر لان منا وجاي الجو حار ف مايفيد المعطر
سعرهم /اثنينهم 15 الف
ما انصح بيهم للدوام
التقييم النهائي/5/10
جهاز إزالة الشعر من FLEwLiss
بنات هذا الجهاز أنقاذ بأيام اللود اللي متكدرين تروحين بيها للصالون او صارت عندج طلعة سريعة او مناسبة مفاجئة
يحتوي على جهازين
الأول هو الجهاز الرفيع ويستخدم لتحديد الحاجب وشعيرات الانف
الثاني هو الجهاز السميك ويستخدم للشارب وبقية اجزاء الوجه
طبعاً بنات هذا الجهاز حلو وسريع ويشحن مدة ربع او نصف ساعة ونتيجته حلو
لكن عيبه أنه ما يشيل الشعر من الجذور فقط يقص الشعر
يعني حل مؤقت بوقت الازمات
سعره/ 12 الف
ملاحظة /مايفيد البنات اللي عندهم خربطة هرمونات او شعر خشن لان راح يزيد الوضع سوء بأعتباره نفس تأثير الشفرة
التقييم النهائي/ 7/10
بخاخ تحديد الشعر من jaysuing
هذا البخاخ كلش حلو ومفيد ويا الجهاز اللي نشرته سابقاً
حتى تحصلون على نتيجة بيرفكت أنصحكم بالترطيب بأستخدام جل الصبار وبعدين هذا البخاخ تستخدمون جهاز ازالة الشعر
لكن انتبهوا لاتشترون التقليد لانه يسبب حساسية للوجه وحبوب
الاصلي موجود على تطبيق ناي ستور
سعره / 10 الاف
التقييم النهائي/
10/10
كود خصم ناي ستور/ zainab222
تطبيق ناي ستور
لطبيبة من الفيلد الطبي
يوفر كل المنتجات الاصلية والمكملات الغذائية
للمرة الثانية أتعامل وياهم وعندهم توصيل لكل محافظات العراق
طبعاً الحلو بي أنه تكدرون تبحثون على حسب اسم البراند
او حسب الشي اللي رايدي مثلما موضح بالصور سواء عناية بالبشرة او الشعر او الخ والمكياج كذلك مقسم حسب شنو تريدون فراح يوفر وقت وانتم تدورون على اشيائكم
كود الخصم/
zainab222
كونسيلر كاترس أصدار ترو سكن
الوصف / الاب الروحي للتخطيط والتأكسد واللون الرصاصي تحت العين
تقييمي/
3/10
السعر / 7 الاف
أسوء شي ممكن تصرفون عليه فلوسكم
منتجع أغصان الزيتون
العنوان / الجادرية _مقابل جزيرة الاعراس
الوصف / المكان واسع جداً وبي صالة داخلية لكن اغلبه جلسات حديقة وأيضاً مبردات متوفرة يعني الاجواء كلش حلوة وهادئة والاغاني راقية ويحتوي على العاب للاطفال ومصلى وأيضاً قاعات أعراس يعني أنت كاعد تتعشى وتسمع الفرقة اجتييعني فد شي فرفوشي
الاكل /فاست فود+ شرقي + مشويات
المنيو متنوع
الطعم / يعني عن نفسي حبيته مثل متشوفون بالصورة طلبت عرايس لحم وجانت كلش طيبة وكذلك المقبلات وسلطة السيزر كانت طيبة
الديكور/حلو بعيد عن فكرة المطاعم التقليدية
الخدمة / بصراحة مو كلش يعني اول نقطة الاكل يتأخر كلش يلا يوصل
ثاني نقطة الاشياء اللي مامفتوحة مثل بطالة المي والببسي انحسبت علينا سعر ورجعوا سحبوها
كذلك طلبنا منهم الاكل اللي زاد يسووه سفري وغلسوا
الاسعار / كلش زينة مو مبالغ بيها
التقييم النهائي/
8/10
غسالة فرش الميك آب
الوصف / المفروض تكون تغسل فرش الميك اب وتحافظ عليهم لكن شغلها يسوي العكس
أفشل أختراع راح تصرفون فلوسكم عليه
كلما أستخدمها تطلع الفرش مامغسولة عدل وبيها بقايا الميك اب وكذلك الفرش الناعمة (فرش العيون ) تطلع تالفة مثل متشوفون بالصورة اما بالنسبة للبيوتي بلندر و أسفنجات الباودر ف أكيد النتيجة أسوء من الفرش
سعرها / 5 آلاف
التقييم النهائي/
0/10
