وديتلك زبدة جهالي..
وكَبل الولد ضيعت والي..
أطيتكم ريال متروس ..
تردولي التابوت خالي!
هسه ارد اعرفه ازوين موزين؟
شدراني بي وصله؟ وصلتين؟
بس فدوه خل يتطشر اهواي
متاكده راح ايلمه الحسين
يوجعني يمه اعليك حضني
وخضّت امعيديات خضني
ردت اطم روحي والله كضني
چبدي انزرف يالولد فضني
يمه يبو احليكَـ الزغيرون
يالماتخلف مثلك ابطون
هم توك امعرس يالوليد
بلكي الله وي جسام مدفون
ما اريد جسمه امبارك اهدوم
بلكي امن اشمهه ايلوحني النوم
طب النَّعَش بس ماتلكَيت
مابي اوليدي اعليمن انكَوم
هالمرّة موش اتكَركَش او فوت
هالمرّة هجم اكَلوب وبيوت
انته او ابوك اتروح اويلاه
جا بيه ياهو ايروح زاتوت
رد مع اقتباس