هنا

[روجـيـنـا ♡]

يـمـدري شعـايـف بـروحي
‏يـمـدري شبيـة من دونـك

‏شكثـر تـارك أثـر بـالعيـن !
‏أشـوف الـدنيـا بس لـونك

[ساق البامبو]

يروس اسهام عينك منتلالي
وتراها عيونك تذوب من تلالي
شفت عينك تيهت تلهم من تلالي
اموت يجوز من تكرب علية

[وردة..]

نريد من الطيور جناح
نشاركها السمه ونرتاح ..

[روجـيـنـا ♡]

الغرور البية ماخذني
‏چنت ماشوف بس روحي !

‏و صـرت روحـي …
‏وگمت مـاشوف بس إنتَ .

[ساق البامبو]

تذوب الروح بعيونك ورسمك
وتنشد روحي واتدور وره اسمك
تمنيت اصبح قلم واكتب وارسمك
على قلبي واطبعك للمنية

[عابرُ المعنى*]

خل أنسى الصور
والنوب راعيها
عفتك بس صورك چودرت بيها
يخنكني الخجل واتنفسك بالبال
واشهك ذكرياتك واختنگ بيها
بصدرك كون گلبي ومثلي عدك شوك
حتى تشوف ليش العزة ناسيها

[نـارڤـين]

خاف أموت وما اشوفك
دير بالك على عيونك لايذبلها الغياب
وخاف اروح وما أبوسك
تدري بيّه شگد احبك
حطلي خدك ع التراب

[نـارڤـين]

المَن ترد ؟
ظل غاد عايش مبتعِد
المن ترد
ديرتنَه مو ديرة گبل
ظلت حديقه بلا وُرد

[عابرُ المعنى*]

غنيتلك مثل الغيوم
الما تمل كل السنة تنكث مطر
ومقصر انه وياك ما غازلتك
بكد النجوم وكد حنيني بكل سهر
ومدري شسمي
شوفتك عيد العيد
لو للعطش شوفة نهر
وتكدر تسميني
ال كدر يطفر نهر
يطفر كمر
ومباعدك لا ما كدر

[عابرُ المعنى*]

ياهو الجان يسألني
ليش لوحدك كاعد
وبارد حايط الغرفة
و يمر مثله الوكت بارد
مرت ساعة
مر يوم
مرت يمكن سنين
الفكدني والسأل عني
ولا واحد