هنا

[نـارڤـين]

يَاهوّ انتَ؟
وعَليك أبَچي بِتوالِي اللِيلَ..
وِشَنو تِنزل دِمُوعَيّ
الخاطِرَك انتَ؟
غيّرَك يِحلَم احچيِ وَيّاه
مو اشتاگ...
يُحفُظ شَكو بِرَوحي ويِفَهم البِيه.

[نـارڤـين]

عليمن ماتحاچيني؟
هذاك انت يحتى بنومي ما اردك
تطب گبل الحلم عيني

[نـارڤـين]

حلم عيون توصيفك
لا اگدر اجيبك وكت ما اشتاگ
لا اگدر امر ضيفك
ولا اگدر اردك من تجي بكيفك ..

[نـارڤـين]

ما غفت عيني و راسي ما هاد
و الصوچ اذبه براس المخاد

كلساع ابدل وحده ما فاد
بيه حچي بگد ضيم بغداد

[نـارڤـين]

- مثل حَال الگصب لمن تلزمه النَار
وحده تواسِي وحده وكلهن يگبن ..

[نـارڤـين]

فَوگ رمَوشنا طُيوفك عصاٌفِير
مَا نرمِش نِخاف طُيوفك تطِير .

[نـارڤـين]

ناطيكم گلب بي ريحة الفردُوس
ونطيتوني الظهر وَاحد ورة الثانِي

[نـارڤـين]

أخسرك؟
عَادي عِندي هوايَ خسران
مَرات الخسارة تقوي صَاحبها
ماحَبك تگُلي
والله بَطران
أنا تجيني أيام روحِي ماحَبها
ما مَهتم بروحي اهتمَلك تريد؟
خلگ ما عِندي حَتى هدومِي أرتبها
ما توگف عَليك و باچر تهَون
و ذنيَچ المواقِف كُلها نحَسبها .

[نـارڤـين]

گالو مشگگ صوري بكل برود
ولا رجف گلبك عليها
ولا اكو شي بگلبك انتفض
چا شگد شايل حقارة؟؟؟
هاي عشرتنه الطويلة
وماكو شي من عدها بعيونك عرض
انا امس ماشگگتهن
فكرررت گلبي ركض
هاي هي وكلشي فض
وصارت تخبل سماي
وراحت الغيمة وطلع بيها گمر
وطلع هذا الليل چذبة
النوم احلى من السهر
وهاي اول مرة نمت شابع نعمة الله
ومانمت شابع قهر ..

[نـارڤـين]

‏شما تلتفت عيني الگاك موجود
‏يتراوالي وجهك وين ماصّد.