تعال وياي
ضيّعني بعطر صوتك
مسني بروس اصابيعك
خل يضوي بسما حزني گمر بلّور
يفزز خاطري المكسور
...
للقصاب
تعال وياي
ضيّعني بعطر صوتك
مسني بروس اصابيعك
خل يضوي بسما حزني گمر بلّور
يفزز خاطري المكسور
...
للقصاب
مو انه بس اتوددت طلعت الكل تودك
من تمشي ليلك ينتشي و زلفك يحب بخدك
حتى الورد بيك انعجب يكتب شعر عن وردك
مر يمي نيران وثلج لو موت هم ماردك
كلما كلت ربي الرزق جانت دعوتي تقصدك
من جَنه نزعل نحَترك
هالمرّه شو صارت صدك؟
وعيونك اول مَا رحَت
حَسبالي زعلة وعَابرة
ضَليت منتظرك مِثل ..
اُم تنتظر اول طَفل
وعيونها تصُب الدّمع
مَتحملة كُلشي لخَاطرة
شضايعلك وتلتفت
شمأخوذ من كلبك
جنك ولا جربت تخسر بحبك
من ارجع بلا حلم بلا صوت يلا ذكرى
ما تلكه منك اثر بس جرحك وعطره
اذا طيفك يمرني بوحشة الليل
اشم ريحة حرگ مابين الضلوع
تدري حسبالي الحزن
ليلة وقصيدة ويمشي عنك
تدري حسبالي الحزن
مثل التحبه
يجي يوم ويروح منك
المشاركة الأصلية كتبت بواسطة عابرُ المعنى*
والله حسبالي الحزن دمعة وتطيح
ثاري حزني حروف اسمي شما يصيحوني أصيح
ثاري حزني قلادة حلوة ويومية بخنجري تطيح
ليش حزن الناس خطوة وحزني أنا صار درب ؟
وليش حزن الناس نبضة وحزني أنا صار كلب ؟
ما دريت الحزن شامة وما تفارك وجهي يوم
وما دريت الجرح جامة وكسرها بكلبي يدوم
لي
التعديل الأخير تم بواسطة اسير الروح ; 11/May/2026 الساعة 2:16 pm
عيونچ غَفن والشمس باگت ضواها
نعسانة وتذوُّب الغصن لو مر هواها
بالكُحل والمنقام والنعسة ذِيچي
عَطلتي دك الـگلب وگطعتي رِيچي
جمالج بديرة والناس بديرة يالبعيدة
حتى الوريد بإيدج صاير أغلى قصيدة
من خلف نظارتج ضوه يكسر ظلام الليل
وبيج الحسن يا غزال فايض وماخذ الحيل
كلما يثكل جفنج سحر روحي تروح وتجي
ويا ضحكة النعسانة ذيج التكتل بلآ حجي
كافي دلال بنظرتج والكون كله غفى
يا خدر بعيونج نزل وبحضني دافي ودفى
تتمايل عيونج خدر مثل الغصن لو مال
ويا خيط من ضوة الصبح بقميصج الأبيض سال
لي
- شِما تِلتفت عيني أَلڪاك موجود ،
- و يتراوالي وِجهَك وين ما صِد .
منين اجتك هالقسـاوه
بـ الحلم كُلش حَنين..
