بـحچــايتــك فَيّ أذن
حَـچيَك مبَـلل يـصب
مــا يـنسمـع يـنغـرف
مـا بيـن رمش ورمش
لـيل الله لابــد كحـل
حسبـالـه مـا ينعـرف
مـابيـن چتف وچتـف
بـالـطول واگـف نـهَر
مـوماي بَس بي جرف
لـحچاية طعم اللسن
و لسانـك شگـد حلـو
ومـا گـايل انتَة حَـرف
وانه بروحي
حزن ديره
وملامح خوف
وحرب چذبه
وحلم تايه
ونهر ثالث حفر خدي
غريب بكاع متلمني
چم ليله اذب دموع
؏ المامش ولا ادري
رحتلها وَشَفَتُهَا وَرَوْح حَضَنَت رَوْحٌ
الحقيقه ويه الْحِلْم وثنينهن طبكن
العيون استراحن هودن بالشوف
والگلوب التَّقْن وبشوگنه احتركن .
يالشفتهم بله كلي شلونهم
ويا شمس من عندي باكت لونهم
ذكرتهم ذكروك
دنكو من جاوبوك
اي حلات ليستحون عيونهم ..
بحزامك مفاتيح السوالف
وأنت تدري
ضيعينه الباب والمفتاح
وشراعك شليل الليل
يحچي للسمچ
سالوفة القدّاح
سولِف يا حبيِّب
لا يجينه فراگ
ويحچي وياك
ويبوگك
أمس باكَوك
ونشدوني عله أوصافك
حِرِت
راويتهم كَلبي وكَلت يرهم عليه مفتاح
مظفر النواب
ليش من اغمض العين رسمك يجيني
مدري انت رمش العين مدري انت عيني
فصوص العين فص يمي وفص لك
يامن يوسف انت أصلك وفصلك
أخيطك بيدي تدريني وفصلك
واجيبك فيت يلترهم علية
موشومه چنهه انجوم رصعات الخدود
وامطرزه ابشامات والحسن مشهود
افرشلك الجفنين برموشي اغطيك
تشرب ابمي العين وابروحي اشريك
يَا ونيس الشوف
وينَك ؟
شنهَي ماهزك حَنيني
ولا حَنينك ؟
ولا سنيني السطرتهَن
مِثل أرقام المساطر
حودَبت خلگي إعله حِزنك
وآنهَ شاعر
رد مع اقتباس