بيها عناد روحي ويه الهوى من يفوت
أذا يثگل عليّ لو أموت ما أشمه
اندلوا دمعتي وعرفوها وين تطيح
يبللني الزَعل وأتنشف بكلمة
بيها عناد روحي ويه الهوى من يفوت
أذا يثگل عليّ لو أموت ما أشمه
اندلوا دمعتي وعرفوها وين تطيح
يبللني الزَعل وأتنشف بكلمة
الندم ماكلني چي ظليت وياك
المفروض من الأول ما أحبك
آنه الما مكرر لبسة مرتين
عجيبة تقبلت مرتين أردلك
فشلة المثلك يبجيني بالليل
نعمة المثلي كون تبوس چفك
غشيم الخشب من روحه يصنع فاس
هدمت روحي وبنيت أنسان مثلك .
صدفه شفنَاك
ونسينه شلون چنه
مَن كثر ما بيها إمَّان
النضرَة منك
چنه نتمنى مثل
عينك وطنه .
ناري ما تطفىٰ ولا نارك طفت
وعيني گبلك تبجي
اذا عينك بچت
يالعزيز الما غبت عن بالي لحظه
ما اگول انتَ بعدت وشلون اظلمك !
ومن يذكرونك گبالي
يبين بوجهي القلق
لو جابوا اسمك
انتَ نقطة ضعفي انتَ
لو احب ثاني ارد وارجع واحبك .
و إِذا باچِر تِلاگينة
أَدير عيوني عَن وَجهَك
و أَگُلّك غالية عيوني
چنك نومتي شما اعدلك مخربط .
)
مِن صارت صدُك
ردتَك ولو حاجوز
وغصُب عذرك قبلته
تخاف تتعور
بزلاتك اضم
ردتك ضَمير تصير
وجذبت الصدُك حتى انتَ
ما تخسر
بَعِد ما أريد تُبْقى وَياي
رَاح أرجع وأفك نذورة الساده
والمزارِ الزِرتَّه مِرة وَبَي دَعِيْت هُوَاي
راح أرجَعله بَلكي يبطل مَراده .
أرسمك ملتفتلي وتطلع أوهام.
،
بَاچر
مِن تِرد ماتَلگه
شي مَوجوّد ،
تلگه الوَرد ذابِل
والأرضِ صَحرة
تِلگاني مَدينة مِسدده
البَيبان بَيه
الگمر مَيت والشمِس
حَمرة .
رد مع اقتباس