هنا

[المستشار القانوني]

شما تزعلني عفيف الساني
ماحچيت الزايده بيوم آني
عشت بالغربة نعم ، متغيريت
ومانسيت الوالد شوصاني
دوم اغرد للمحبة وللسلام
واليمد چفه سند يلگاني
خلگ عندي بطول ديوان المضيف
ومو صبر صبرين الله انطاني
طبعي اسامح مااعيل عله اليعيل
بديري اني والبخت صگباني
دلالي من منصور ناصبهن زمان
يعني تقره بگصتي الفرحاني
ومن شهد جدي عطر بيها الدلال
تفور غيره للفگدني وجاني
وجدي عوفي اتعلمت منه الدروس
النخوة طبعي وقدوتي وعنواني
وعمي ابو زيّْاد فانوسه شحلاه
صويٓح بجود وكرم ضواني
ومن يمر جوعان ماياكل حرام
بكل مضيف الخير حاط وباني
ذوله اهلي وافتخر بيهم واگول
وما افرَق واحد عله الثاني
اليحچي عن اهله بحقد لا موشريف
وهذا حتماً بالكرامة يعاني
ذني كلهن سجلتهن من ابوي
كلهم اهلك وافتخر خلاني
وآنه والله بدونهم ما أهده يوم
وابقه ازامط دوم للعاداني
ليلهم گمره وسوالفهم حصاد
وصوت هاونهم تره الحچاني


توفيق الصكبان..

[ساق البامبو]

جميل احسنت