(الخيط والعصفور)

وحگك كلشي نستاهل
بدينه الخيط والعصفور
وطيناهن الجاهل
........
وحگك حيل بينه الصار
أصابعنه يعلها ابگص

جابت وينه وينه وصار
عالجتفين يتمرگص

صرطوها صرط ياحيف
ما خلو عظم ينمص

اهي لطعة ولبو الحصين
زاد النهر لو ينگص
.........
وحگك بينه كل الصوج
كل سبه وترد نصره

لاعفت ولا فد يوم
تابت من هوى العشره

يوميه على هذا الحال
ماخذنه الدرس عبره

يردون ونرد ياحيف
نبصم لليرد عشره

ونفس الطاس والحمام
من بغداد للبصره
.......
وحگك مالي حال ولون
وتأمل يجي باجر

احرگ بالتتن نص ليل
ثعواله الگلب صاير

أتاني والفرج مابان
لخيوط الشمس ناطر

يضيمي هم الك مخلاص
اتفض لو اظل حاير

متبدل طبعها الناس
لو بيها الوكت مايل

لليمتها يظل هالحال
بحشانه المرض ياكل

بدينه الخيط والعصفور
وطيناهن الجاهل

علي تكليف الصگبان