هنا

[A.O.K]

فكرنا استوعبك منخلق للتبليغ
ما دققنا بيك وما نزلنا اعمق
والا قبل چانت كلها عدها صدور
ما سر الكتاب بصدرك اتعلق
ترى صدق القرار الناقله يزكيه
لذلك الله مختار الرَّسول اصدق
ثباتك صعدك لله او دنيت القوس
بزرتك نزلت على الكَاع تبني الحق
الشمس چانت شمس بحساب الل يشوفون
بس بحساب عينك علي چان اشرق
كتابك منفرد واحد وماكو اثنين
النفوس الباهته سوت كتب ملحق
بس هم زين بنتك كشفت التاريخ
وعرفنا ال ما مصدّق من المصدّق
انعم الله عليك شلت ايدك بذاك اليوم
چا لو ضالّه اعليهم صبح مشنق
الحمامه الغار موش ابحاجه للتاكيد
هو انت بجلال الخالق امطوق
الحوت فلاحتك منك اجا الايعاز
علي باوع ليونس والرسول اشفق
كليم الله نعم من بعد اذنك صار
حيلك داره بالعصّه الكليم او شَق
مو بفعالها بالكَلب ماكو اخفاق
ذريه الزهره الماكو عدها اخفق
اقصد عالكساء اللّمهم لعاشور
والعباس چان بمعتزل رونق
سياستكم ربح تنطي للتايه راي
ما عدكم قبل على الناس شيء مغلق
الختم من الله لك منك لداحي الباب
او عند الله الختم يختلف عالملصق
حديثك چان يمشي وما يحب ترويج
وكتبهم واقفه والكارهك سوق

للشاعر علي مالك الموسوي
التفريغ الصوتي أكرم الياسري

[المستشار القانوني]

أحسنت النشر ...مولاي الحبيب...حياك الله

[A.O.K]

أحسنت النشر ...مولاي الحبيب...حياك الله

الحبيب احسن الله اليك الغالي
ممنون منك يا ذهب