المشاركة الأصلية كتبت بواسطة المستشار القانوني
اصدقائي الاعزاء اليوم محطتنا الشعريه من الديوانيه ناحية آل بدير ننزل في مضيف علم من أعلامها وشيخ من شيوخها وقامة من قاماتها المرحوم الشيخ
تكليف رحم الصكبان البديري... والذي تصادف وفاته في مثل هذا اليوم من عام ٢٠٠٧
وهذا دارمي لنجله الدكتور توفيق يگول..
#نضحك چذب للناس بس ماقرونه
عدنه بگلبنه عيون تبچي على ابونه
وهذا دارمي آخر بهذه المناسبه لنجله الثاني علي تكليف يگول ..
#نفزع لكل الناس مو رجوه عونه
ندريبه فعل الخير يوصل لبونه
ـــــــــــــــــــــــــ ـــــــــــ
هذا المرحوم الشاعر والاديب لديه مكتبة عامره بالكتب وله مؤلفات مهمه نذكر منها كتاب (آل بدير تاريخهم وتراجم أعمالهم) وأضافة للشعر كان ,مؤرخ ونسابه,
وله كتاب (الكَلِم الوافر في تاريخ العشائر) ..
ومن أعز أصدقائة شاعر عفك الكبير {حميد
ال سرهيد} والذي خاطبه رحم بهذا الدارمي ٠
#بعفچ وال بدبر مثلك فلا صار
يمعدل الما لان. من حدة النار
ويقال بأن رحم زار صديقه حميد ال سرهيد الى المستشفى وقد أتعبه المرض ادار بوجهه عن صديقه حميد فصاح عليه حميد... يگول
#مدرچ وصيح عليك صوت أنصه من صوت
مالك درت مگفاك بساعة الموت ؟
فكان رد تكليف وبألم وحسره ..
#عمداً درت مگفاي ودريبك تصيح
ماردت دمع العين جدامك يطيح..
ومن ابياتةالمشهورة والمتداولة بين
الناس ٠
#بيدي وگرضهاالفار فِجَة عباتي
كل هذا ما ذليت امشي برهاتي
وله بيت جميل أخر يگول بيه
#نص دسم رقم اثنين. مشروب ابنها
وتريدةعند الشيب يذكر لبنها
وعندما إشتد به المرض
فآخر ما كتبة الشاعر ٠
#إبشفرتك مرخوص.ظل باللحم كص
بالك تخلي الطير من يبلع يغص
واخيرا ارتحل الى الرفيق الاعلى يوم ٢٦\٤\٢٠٠٧
رحم الله الشاعرين الشيخين .. رحم ال صگبان وحميد آل سرهيد ..
أبوزيدالجبوري
رد مع اقتباس