قصيدة: اتعلّق بس بالمهدي
للشاعر: ياسر المطوري
الرادود الملا مصطفى السوداني
*************************************************
اختصاراً للمشاعر والكلام... ماكو شي بالدنيا أغلى من الإمام
بيّه يجيب الحب ويودّي ............... ارد اتعلّق بس بالمهدي
ماكو أغلى من الإمام
ماكو أغلى من الإمام
*****************
مهدمني بفراكَه
وعذابي من الشكل واضح
بيا نسمه بيا مطرة
اختلط عطرك يا أبو صالح
أنه الإنسان المتعذب ويريد اهتمام
أنه المحروم امن الكَمرة او عايش بالظلام
أنه اللي ما غمّضهه اعيونه ولا شاف المنام
أنه الما فاتحهه اعيونه بعيون الإمام
يختنكَـ بالجمعة يحتاجك أنيس.....أنه ذاك اليختنكَـ من الخميس
كون ابصحره وأصيح لوحدي......... أرد أتعلق بس بالمهدي
ماكو أغلى من الإمام
ماكو أغلى من الإمام
*****************
أفكاري تأخذني واذكره ويَّه كل مطرة
المهدي ماي الله بوجوده تخضرّ الصحره
المهدي الماي اللي يحييني من أغركَـ أنه بيه
المهدي الماي اليرويني من عطش وجي
المهدي الماي اليطفيني من نار العذاب
المهدي الماي اللي ينطيني الرحمة
تمطر الدنيا وأصيح بعالي صوت.... يمته تمطر غيمتك؟ مو راح أموت!
غربة وغير دموعي شعندي .................. أرد أتعلق بس بالمهدي
ماكو أغلى من الإمام
ماكو أغلى من الإمام
*****************
معقولة ما أهتم وأكَول الدنيا خلصانة؟
معقولة للمهدي سبب حزنة اصير انه؟
معقولة أجرح قلب المهدي الرّاحمني بدواه
معقولة أتبسم بذنوبي وهو ينادي "آه"؟
معقولة الدنيا تخليني أتجرأ عليه؟
معقولة امن اختلي وي نفسي وكأن لا أراه؟
هاي إذاني التطرب لصوت الغناء.. صوت أبو صالح ولا تسمع دعاه؟
بس هالمرة صادق وعدي.................... أرد أتعلق بس بالمهدي
ماكو أغلى من الإمام
ماكو أغلى من الإمام
*****************
تقصيري وإسرافي
على نفسي يعذبني
اوصل له بس فترة
وترد الدنيا تأخذني
هل ممكن حاسبني المهدي من الغافلين؟
هل ممكن ما شاف دموعي من ابجي اعله الحسين؟
هل ممكن فعلاً يطردني؟ لا مو ظني بيه
هل ممكن لالا مو ممكن أعرف بي حنين
عطفة أكبر من الأم على الرضيع ....مستحيل المهدي يتركني أضيع
وهاي الدنيا تحارب ضدي .................أرد أتعلق بس بالمهدي
ماكو أغلى من الإمام
ماكو أغلى من الإمام
*****************
ابرضوى ؟ وين انته؟
بعد جم جمعه رددهه
عزيزٌ عليَّ عيونه ما أشاهدهه
أصعب شيء من عندك غايب مجهول الديار
أصعب شيء من تسأل روحك هسة شلون صار؟
أصعب شيء من ما تعرف لمته يرد عليك
أصعب شيء من ما عندك حل غير الانتظار
أنتظر وأسأل على مر السنين.......هل أنا فعلاً من المنتظرين؟
بالحب كل عام أكتب عهدي......... أرد اتعلّق بس بالمهدي
ماكو أغلى من الإمام
ماكو أغلى من الإمام
*****************
التفريغ الصوتي
أكرم الياسري
رد مع اقتباس
المشاركة الأصلية كتبت بواسطة دُرة
