هنا

[A.O.K]

حلمت البارحة بسلطان الكَلوب
حلم يسوى العمر ما چن دقيقة
ييمه ومن هذيچ الرؤيه للان
الشوكَـ البيّه ما كَادر أطيقه
لهسه عطر شباچه على الهدوم
هيچ، وصدّكَـ وأتحفّى بطريقه
يمه يمه ادعيلي، امشي عليك الحسين
بلكي الحلم يتحول حقيقة
أمانة هاي للسلطان وديها
ولخاتون نجمة خلّي يهديها
هاي أم الرضا المظلومة بين الناس
كَلَّه تكَول أمي لأمك انطيها
ودَعت أمي وسمعها لواحد السامع
اقتربت من الرضا وصار الحلم واقع
عرش الله 12 باب اليودّن ليه
منين أدخل؟ لثامن باب
من باب الجواد ادخل، ولو طبيت
بين الله ودعائك ما يظل حجاب
أتأذن لي يثامن هرش للزهرة؟
ادخل يا بياض وجوهنا السمرة
يضامن كَلبي شو ما كلني كَلبي اعليك
امسح عالجوارح خل تظل خضرة
اجيت وبيّ لهفة دِعبل لملكَاك،
وهاي حمولي يم الباب متطشرة
ولتسجلني خطارك وليه حساب
لا.. سجلني ولو كناس بالحضرة
غزال ومن تضايكـ وره ظهره اندار
چا تقنعني عالخادم يعز ظهره؟
يا أول من قرو يمّه شعر لحسين
جبت لك ماي وجهي ويمك أرد أقره
أرد أقرأ على عماتك المسبيات
وأذكرك جدك من اتوسط الصحراه
عمتك يا أبو محمد طبت الديوان
بس چنها أبو فاضل شايل الخضره
سبوها وچان ظنهم عود ينتصرون
ما يدرون بيها اكتملت الثورة
ما يدرون ظلتهه لغز بالشام
خاطر كل يزيد يسولف تسطرة
ألف عام ولهست يرجف الجتال
هنا تشعر رقب موتانا منتصره
كل ما يندفن قائد نخضّر جيل
اليريد الخير لازم يدفن البذرة
ونظل ندفن زلم لعيونكم مولاي
لما يطلع وليدك راكب الشكَرة
تذكرت هاي الأمانة وأفتخر
أمه ودت بيده سلة من التمر
تقول خل يهديها لأمه ونعتذر

التفريغ الصوتي
أكرم الياسري

[A.O.K]

ما يدرون ظلتهه لغز بالشام
خاطر كل يزيد يسولف تسطرة

[A.O.K]

كل ما يندفن قائد نخضّر جيل
اليريد الخير لازم يدفن البذرة