القصيدة: كلشي جذبه وانت صادق
أداء: مسلم الوائلي
كلمات: حيدر الغديني
~~~~~~
وسره المكنون .. ومطلع الفجرِ
انت سلام الله .. في ليلة القدرِ
سيدي .. سيدي
~~~~~~
يا امير اعله المذاهب
بأمرك ادور الكواكب
يمك اتؤول العواقب
العاقبه الزينه محبتك

وضحت كل الحقائق
كلشي جذبه وانت صادق
الدنيه تله وانت شاهق
والعلم كله ابصحبتك

مو فقط بالدنيه درست بغزاره
هناك سويت النه بالجنه حضاره

فكلُ ذي علمً .. نال بك العلمُ
لولاك يا مشكاة .. ما وهجَ النجمُ
سيدي .. سيدي
~~~~~~
انت قرآن المشاعر
انت باطن وانت ظاهر
خضر ألسانك منابر
وخضر أحكام وروايه

غافي جم ليل بعباتك
الله جان يحب صلاتك
عنده ما ندري شغلاتك
عالعرش خط اسمك آيه

مو مغالي بيك بس هايه صفاتك
كل علوم الدنيه خيط بنص عباتك

انت ضياء الله .. وحبله الواثق
يا هيكل التوحيد .. يا جعفر الصادق
سيدي .. سيدي
~~~~~~
تبجي جنت اعله المنابر
اسست هاي الشعائر
اليجزع اتحبه مثابر
اتحب اليثابر نوايح

هو بحرگ دارك اذيه
شاهدت ذيج القضيه
عالجمر ركضت رقيه
والعليل بصفها طايح

يروى عنك يلي جرحك نهر باقي
اتموت من تسمع نعي بطور العراقي

كنت جزوع الطف .. بقلبك الضامي
فجدك العطشان .. مقطعً دامي
سيدي .. سيدي
°°°°°°°°°°°°°°°°°°°°°°°°° °°°°°°°°°°°