القصيدة: مسافة ذنب
أداء: مسلم الوائلي
كلمات: علي الأكبر الغرابي
~~~~~
اريد اقترب .. وذنوبي التهب
غيابك طلع .. مسافة ذنب
~~~~~
بنفس جفوفي البيها ادعيلك
انه مجلب بيك ادخيلك
ما اريد اوگع من عيونك
مثل الطاحوا من غربيلك
وانه البشده .. غيرك ما عنده
عايش عله گده .. وعطفك يريد
تاخذني ذنوبي .. عنك محبوبي
واشعر مكتوبي .. عنك بعيد
ارسمك هوى .. واشمك عذب
غيابك طلع .. مسافة ذنب
~~~~~~~
بيك شگد ألساني يسولف
بس ما ماخذ منك عبره
الينصح غيره بنفس ذنوبه
مثل اليحفر بير بأبره
وانه الفاضحني .. ذنبي وذابحني
كون اتسامحني .. گد ما عصيت
دوم ألهج بأسمك .. وافعالي اتلجمك
متناقض يمك .. كلما حجيت
انه تصورت .. عليك انحسب
غيابك طلع .. مسافة ذنب
~~~~
احنه النقرالك بالندبه
من الجمعه الحد الجمعه
خايف باجر لمن تطلع
باب الزهره عليك اندفعه
خايف يالمهدي .. عليكم من عندي
خايف من تبدي .. الغيرك اروح
وبوجهي الأسود .. وي غيرك انعد
باجر من يشتد .. ثار الجروح
فأين المفر .. سؤال المحب
غيابك طلع .. مسافة ذنب
~~~~
غير اليعشگ كون يضحي
ويقدم كلشي المحبوبه
لا انه العفتك لا انه الجيتك
لا انه البطل من ذنوبه
نادم هالمره .. ومن كلشي اتبره
اتقبل عذره .. الجايك اسير
هنياله التقبل .. عنه وما تزعل
هذا انه اتوسل .. عبدك اصير
عسه وتنقبل .. دموع اليحب
غيابك طلع .. مسافة ذنب
~~~~
يبن الما يفرغ ديوانه
وما يطرد حته البي خله
جايك جيت الحر لحسينك
عصبت عيوني من الفشله
لدير عيونك .. عني وممنونك
ضايع من دونك .. يالمهدي اصيح
من حبل اوهامي .. من كيد احلامي
من جور ايامي .. ارد استريح
انه بدفترك .. اريد انكتب
غيابك طلع .. مسافة ذنب
°°°°°°°°°°°°°°°°°°°°°°°°° °°°°°°°°°°°°
رد مع اقتباس