نشف ريج الوفه وشحّت مروءة نـاس
وصرت أنت السراب الچنت يرويني
​حسافة تبيعني بسعر الـرخص يـا حيف
وآنـه الـبـعت حـيلـي حـتى تـشـريني
​زرعتك بـالـكلب وردة وبـقـيت أسـكيك
وبـمـنجل غـدر كـمت أنت تـجـنـيني
​نـسيت شـجم جـرح خـيطته بـالـونات؟
وهـسه بـخـنجر الـهـجران تـدمـيني
​بـعـد لا تـعـتني وتـدك بـابـي بـلـيـل
لأن صـوت الـجـدم مـا عـاد يـعـنيـني
​شـيفيد الـدمع لـو طـاح ع الـتـابـوت؟
شـيـرده الـعـمر لـو ضـاع بـالـطـيـني
​شـلت حـمل الـثـكل وبـظـهري مـيّة سـيـف
ولا مـرة كـلـت لـلـنـاس تـنـطـيـني
​جـنت صـياد أحـسـبك مـا تـخون وياي
لـچـن صـرت الـشـبچ والـغـدر يـرمـيني
​كـرهت الـمستـحه الـخـلتني أصبر عـليك
وكـرهت الـطـيـبـة الـبـيـها تـمـنـيـني
​عـلى جـرف الـصـبر كـضيت كـل دنـياي
ونـهـر غـدرك صـفـه بـالـموج يـرمـيني
​تـعـبـت مـن الـقـهـر مـن لـوعة الـحرمان
ومـن حـزن الـصـور مـن تـحـجي وتـبچـيني
​أريد أنـفض غـبـارك مـن ثـيـاب الروح
وأطـلعـك مـن نـبـض گـلـبي وشـرايـيـني
​بـعد مـا أصـدك بـدمـعك لـو تـهـل بـحـور
ولا كـلـمة "هـلا" مـن الـيـوم تـلـگـيني
​غـسلـت إيـدي بـنـدم مـن كـل حـجي الـشوگ
وعـفـت ذاك الـدرب مـا بـيـه عـنـاويـني
​يـا شـمـاتة هـلي وعـذال هـذا الـحـال
شـأگـولن لـو نـشدني الـكـلـب يـنـطـيني؟
​**أگـولن خـان بـيـه الـجـنت أحـسبه حـزام؟**
لو أگولن هـدم قـصـري وبـنى طـيـنـي؟
​صـرت لـلـريح ذرة وتـاه بـيـك الـراي
وبـعـد مـا أكـول غـيـر الله يـجـزيـني
​نـهـيت الـمـسـألة وقـررت أعـيـش بطيف
يـا لـوحـة حـزن مـا عـادت تـسـلـيني
​طـفـيت الـنـار وجـروحـي غـدت بـردان
وبـلـيـل الـجـفـة مـا عـاد تـدويـني
​وداع وداع يـا عـشـرة الاوهام
وبـعـد لـو تـمـطـر بـشـر لا تـنـاديـني