القصيدة: هز الموت
أداء: مسلم الوائلي
كلمات: علي السيلاوي
~~~~~~
تحده وشد الزماط صارت هوسه يا ناس
مامش عطوه عالگوم بزوده يصيح عباس
~~~~~~~
ابو النوماس .. هد يا ناس
وترفرف الرايه
يطشر الگوم .. من يحوم
وتريس الثايه
ابو الغيره هله بزوده ترس جوده
ابو فاضل كلف يومه وفه عهوده
هله بهالطول صاحتله هله بليرفع الراس
مامش عطوه عالگوم بزوده يصيح عباس
~~~~~
يريد الثار .. يجدح نار
ظل مشتعل سيفه
يذل اعداه .. وبملگاه
ياخذ كون حيفه
اخو اخيته اذا عطشت يرويها
علي بيومه واذا مالت يساويها
دخيله الما يرد ضيف اصيل ومن يدگ ساس
مامش عطوه عالگوم بزوده يصيح عباس
~~~~~~~
هله بهالصوت .. هز الموت
والملعب حلاله
تفر جيمان .. والعدوان
ما واحد دناله
يعدونه يسمونه ابو فاضل
ابو الخوه والمروه هله الكافل
يليث الدوم مهيوب ماكو مثله فراس
مامش عطوه عالگوم بزوده يصيح عباس
~~~~~~~
شبه زلزال .. والخيال
من شافه تحير
ظل محتار .. يا ستار
ظن الجاله حيدر
شرد منه واليخزره حفر گبره
والحدوده وصل يومه گطع نحره
يبجي الزلم والخيل اصيل وماله مقياس
مامش عطوه عالگوم بزوده يصيح عباس
~~~~~~~
اليريد يعيش .. من الجيش
ودخيلك يگله
عضيد حسين .. اشر وين
وبسيفه يذله
عله الشاطي عله الرايه كتب هايه
انه وثاري اريدنه نطه احجايه
يظل للثار طلاب العايل بينه ينداس
مامش عطوه عالگوم بزوده يصيح عباس
°°°°°°°°°°°°°°°°°°°°°°°°° °°°°°°°°°
رد مع اقتباس